Shenjtorët e javës 5 – 12 nëntor
R.SH. / Vatikan
E diel 5 nëntor, Kisha katolike kremton të dielën e 31-të gjatë vitit kishtar, ciklit të parë 'A', e gjithnjë më 5 tetor, kalendari përkujton 38 Martirët e Lum të Kishës katolike në Shqipëri, të persekutuar në kohën e regjimit komunist, dhe shenjtorët Domninin, Teotinin me shokët martirë.
“Lidhin barrë të rënda, që mezi mund të mbarten dhe ua ngarkojnë njerëzve në krahë, kurse vetë as me gisht nuk i luajnë”. Me këto fjalë të Jezusit, në Ungjillin e kësaj së diele nga Mateu (Mt 23,1-12), Krishti i qorton pa kurrfarë ngurrimi e frike, të gjithë ata që thonë e nuk bëjnë. Ai i qorton sheshit skribët e farizenjtë, të cilët në bashkësi luanin rolin e mësuesve, sepse sjellja e tyre ishte në kundërshtim të plotë me mësimet që ua propozonin të tjerëve me rreptësi. Ndërsa Krishti sillet krejtësisht ndryshe: ai i bindet i pari urdhërimit të dashurisë, të cilin ua mëson të gjithëve, e mund të na thotë se është barrë e lehtë dhe e ëmbël, pikërisht sepse na ndihmon ta mbartim së bashku me Të.
Të hënën më 6 nëntor, kalendari përkujton shën Leonardin vetmitar.
Të martën më 7 nëntor, kalendari kishtar përkujton shën Erkolaun, shën Balbo-n dhe shën shën Ernestin.
Të mërkurën më 8 nëntor, kalendari përkujton shën Gofredin, shën Adeodatin I papë si dhe shenjtorët e Martirët, reliket e të cilëve pushojnë në paqe në Bazilikën e shën Pjetrit në Vatikan. Të Lumin Gjon Dunks Skot.
Të enjten më 9 nëntor, Kisha kremton festën e Kushtimit të Bazilikës së Lateranit në Romë.
Të premten më 10 nëntor, kalendari Kishtar përkujton shën Leonin e madh, papë e doktor i Kishës.
Të shtunën më 11 nëntor, kalendari kishtar përkujton shën Martinin, ipeshkëv i Turit e shën Bartolomeun, abat i Grotaferratës.
Të dielën e ardhshme më 12 nëntor, Kisha katolike do të kremton të dielën e 32-të gjatë vitit kishtare ,ciklit të parë 'A', e po më 12 nëntor kalendari kishtar përkujton shën Jozafatin, ipeshkëv e martir e shën Diegon, laik françeskan.
