Takimi ndërfetar dhe ekumenik "Gratë Ndërtuese të Vëllazërimit Njerëzor”
R.SH. - Vatikan
Nesër në Romë mbahet takimi ndërfetar dhe ekumenik: 'Gratë Ndërtuese të Vëllazërimit Njerëzor', organizuar nga Bashkimi Botëror i Organizatave të Grave Katolike (VUKO) në bashkëpunim me Këshillin Papnor për Dialogun Ndërfetar dhe me patronazhin e Ambasadave pranë Selisë së Shenjtë të Argjentinës, Austrisë, Filipineve dhe Holandës, në kuadrin e ‘Ditës Ndërkombëtare të Gruas’.
“Me sytë e grave të fesë" është motoja e takimit, gjatë cilit referueset do të ofrojnë reflektimin e tyre mbi dokumentin Vëllazërimi Njerëzor për Paqen Botërore dhe Bashkëjetesën nënshkruar nga Shenjtëria e Tij Papa Françesku dhe Imami I Madh i Al-Ahar Ahmad Al-Tayyeb në Abu-Dhabi, më 4 shkurt 2019.
Bashkimi Botëror i Organizatave të Grave Katolike (UMOFC ), themeluar më 1910, mbledh mbi 100 organizata të ndryshme nga të gjitha kontinentet dhe është e vetmja organizatë që u kushtohet grave e që ka marrë nga Selia e Shenjtë statusin e një Shoqate Publike Ndërkombëtare të Besimtarëve. Qëllimi i saj është të nxisë gratë në të gjitha fushat e jetës si në Kishë, ashtu edhe në shoqëri.
Pritet që në deklaratën finale të këtij takimi të ketë një ftesë për gratë dhe burrat e besimeve të ndryshme si dhe për të gjithë ata që dëshirojnë të jetojnë së bashku, në vëllazërim dhe miqësi sociale që duan t'i përmbahet paktit a besëlidhjes që ka si pikënisje dokumenti i lartpërmendur.
