ക്ലേശിതര്ക്കായി പ്രാര്ത്ഥിക്കുക!
ജോയി കരിവേലി, വത്തിക്കാന് സിറ്റി
വേദനിക്കുന്നവരുമായി കണ്ടുമുട്ടുമ്പോഴെല്ലാം അവര്ക്കായി പ്രാര്ത്ഥിക്കണമെന്ന് മാര്പ്പാപ്പാ ഓര്മ്മിപ്പിക്കുന്നു.
ബുധനാഴ്ച (21/08/19) വത്തിക്കാനില് പോള് ആറാമന് ശാലയില് പ്രതിവാരപൊതുകൂടിക്കാഴ്ച അനുവദിച്ച ഫ്രാന്സീസ് പാപ്പാ, തന്റെ പ്രസംഗവേളയില് വേദിയിലേക്കു കയറുകയും അങ്ങോട്ടുമിങ്ങോട്ടും നടക്കുകയും തന്റെ അടുത്തേക്കു വരുകയും ചെയ്ത രോഗിയായ ബാലികയെപ്പറ്റി സുചിപ്പിച്ചുകൊണ്ട് പ്രഭാഷണാനന്തര അഭിവാദ്യമദ്ധ്യേ സംസാരിക്കുകയായിരുന്നു.
ആ ബാലികയ്ക്ക് അവള് ചെയ്യുന്നതെന്താണെന്ന് തിരിച്ചറിയാനകുന്നില്ലെന്നു പറഞ്ഞ പാപ്പാ ആ കൊച്ചു സുന്ദരിക്കുവേണ്ടിയും അവളുടെ മാതാപിതാക്കള്ക്കുവേണ്ടിയും ആ കുടുംബത്തിനുവേണ്ടിയും താന് പ്രാര്ത്ഥിച്ചുവെന്ന് വെളിപ്പെടുത്തി.
ആ ബാലികയ്ക്കുവേണ്ടി പ്രാര്ത്ഥിച്ചോ എന്ന് സ്വയം ചോദിക്കാന് പാപ്പാ എല്ലാവരെയും ക്ഷണിക്കുകയും ചെയ്തു.
വായനക്കാർക്ക് നന്ദി. സമകാലികസംഭവങ്ങളെക്കുറിച്ച് കൂടുതലായി അറിയാൻ ഇവിടെ ക്ലിക് ചെയ്ത് വത്തിക്കാൻ ന്യൂസ് വാർത്താക്കുറിപ്പിന്റെ സൗജന്യവരിക്കാരാകുക: