തിരയുക

Vatican News
ഇറ്റലിയില്‍ 2009 ഏപ്രില്‍ 6-ന് ഭൂകമ്പം തകര്‍ത്ത ലാക്വിലയുടെ ഇന്നത്തെ ഒരു ദൃശ്യം 06/04/2019 ഇറ്റലിയില്‍ 2009 ഏപ്രില്‍ 6-ന് ഭൂകമ്പം തകര്‍ത്ത ലാക്വിലയുടെ ഇന്നത്തെ ഒരു ദൃശ്യം 06/04/2019 

ലാക്വിലയിലെ ഭൂകമ്പം, പത്താവാര്‍ഷികം -പാപ്പായുടെ പ്രാര്‍ത്ഥനകള്‍

ഫ്രാന്‍സീസ് പാപ്പാ ലക്വിലയിലെ നിവാസികള്‍ക്കായി പ്രാര്‍ത്ഥിക്കുന്നു. ഭൂകമ്പബാധിത സാന്‍സെവേരീനൊ മാര്‍ക്കെ അതിരൂപതയിലെ പ്രദേശങ്ങള്‍ പാപ്പാ ജൂണ്‍ 16-ന് സന്ദര്‍ശിക്കും.

ജോയി കരിവേലി വത്തിക്കാന്‍ സിറ്റി

മദ്ധ്യ കഴക്കെ ഇറ്റലിയിലെ ലാക്വിലയില്‍ ഭൂകമ്പമുണ്ടായതിന്‍റെ പത്താം വാര്‍ഷികത്തോടനുബന്ധിച്ച് പാപ്പാ ആ പ്രദേശത്തെ നിവാസികള്‍ക്ക്   പ്രാര്‍ത്ഥനാസന്ദേശം അയച്ചു.

300 ലേറെപ്പേരുടെ ജീവനപഹരിക്കുകയും 1500 പേരെ പരക്കേല്പിക്കുകയും 65000-ത്തിലധികം പേരെ ഭവനരഹിതരാക്കുകയും ചെയ്ത, 2009 ഏപ്രില്‍ 6-നുണ്ടായ, വന്‍ ഭൂകമ്പത്തില്‍ തകര്‍ന്നടിഞ്ഞ ആ പ്രദേശത്തിന്‍റെ പുനര്‍നിര്‍മ്മണമെന്ന ആയാസകരമായ പ്രക്രിയയില്‍ തന്‍റെ പിന്തുണയും സജീവഭാഗഭാഗിത്വവും ഫ്രാന്‍സീസ് പാപ്പാ സന്ദേശത്തില്‍ ഉറപ്പുനല്കുന്നു.

ഭൂകമ്പദുരന്തത്തിനിരകളായവര്‍ക്കായി പാപ്പാ പ്രാര്‍ത്ഥിക്കുകയും ചെയ്യുന്നു.

ഒരുപതിറ്റാണ്ടുമുമ്പുണ്ടായ ഭൂകമ്പം ബാധിച്ച കമരീനൊ- സാന്‍സെവേരീനൊ മാര്‍ക്കെ അതിരൂപതയിലെ പ്രദേശങ്ങള്‍ പാപ്പാ ജൂണ്‍ 16-ന് സന്ദര്‍ശിക്കും

അന്ന് രാവിലെ വത്തിക്കാനില്‍ നിന്ന് ഹെലിക്കോപ്റ്റര്‍ മാര്‍ഗ്ഗം അവിടേക്കു പുറപ്പെടുന്ന പാപ്പാ ഭൂകമ്പബാധിതര്‍ക്കായി പണികഴിപ്പിച്ചിരിക്കുന്ന താല്ക്കാലിക ഭവനങ്ങള്‍ സന്ദര്‍ശിക്കുകയും അവിടത്തെ നിവസികളുമൊത്തു കൂടിക്കാഴ്ച നടത്തുകയും അതിരൂപതയുടെ ഭദ്രാസനദേവാലയത്തില്‍ ദിവ്യബലി അര്‍പ്പിക്കുകയും ചെയ്യും. 

 

06 April 2019, 12:29