മേഘാലയിലെ ജൊവായി രൂപതയ്ക്ക് പുതിയ മെത്രാൻ!

ജോയി കരിവേലി, വത്തിക്കാൻ സിറ്റി

മേഘാലയിലെ ജൊവായി രൂപതയുടെ പുതിയ മെത്രാനായി ഫെർഡിനാൻറ് ദ്ക്കാർ എന്ന വൈദികനെ പാപ്പാ ശനിയാഴ്ച (08/07/23) നാമനിർദ്ദേശം ചെയ്തു.

പ്രസ്തുത രൂപതയുടെ കാര്യനിർവ്വാഹകനായി, അഥവാ, അഡ്മിനിസ്ട്രേറ്റർ ആയി 2021 മുതൽ സേവനമനുഷ്ഠിച്ചു വരികയായിരുന്നു അദ്ദേഹം.

ജൊവായി രൂപതയിലെ ലോംഗ്കലുഹാ എന്ന സ്ഥലത്ത് 1962 ഫെബ്രുവരി 26-ന് ആയിരുന്നു നിയുക്ത മെത്രാൻ ഫെർഡിനാൻറ് ദ്ക്കാറിൻറെ ജനനം.1994 ജനുവരി 23-ന് പൗരോഹിത്യം സ്വീകരിച്ച അദ്ദേഹം, ഷില്ലോംങിലെ മൈനർ സെമിനാരിയിൽ പഠനവിഭാഗ മേധാവി, നാംദോംഗിൽ സഹവികാരി, ഉമ്മുലോംഗിൽ സഹവികാരി, വികാരി, ജോവായി രൂപതയുടെ പ്രൊക്കുറേറ്റർ എന്നീ നിലകളിൽ സേവനം ചെയ്തിട്ടുണ്ട്.