നൈജീരിയായില്‍ ഒരു വൈദികന്‍ കൂടി കൊല്ലപ്പെട്ടു.
ജോയി കരിവേലി, വത്തിക്കാന്‍ സിറ്റി
മദ്ധ്യ-പശ്ചിമാഫ്രിക്കന്‍ നാടായ നൈജീരിയായില്‍ ഒരു കത്തോലിക്കാ വൈദികന്‍ വധിക്കപ്പെട്ടു.
തദ്ദേശീയനായ ഇടവക വൈദികന്‍ പോള്‍ ഒഫു ആണ് വെടിയേറ്റു മരിച്ചത്.
ഒന്നാം തീയതി (01/08/19) വ്യാഴാഴ്ച രാത്രിയായിരുന്നു ഈ ദാരുണ സംഭവം.
കുപ്രസിദ്ധ ഫുലാനി വര്‍ഗ്ഗത്തില്‍പ്പെട്ടവരാണ് അക്രമികള്‍ എന്നു കരുതപ്പെടുന്നു.
ഔഗു എന്ന സ്ഥലത്തെ ഒരു വഴിയിലൂടെ വാഹനമോടിച്ചു പോകുകയായിരുന്ന അദ്ദേഹത്തിനു നേര്‍ക്ക് അക്രമികള്‍ നിറയൊഴിക്കുകയായരിന്നു.
ഈ പ്രദേശത്തുവച്ചു തന്നെ ക്ലെമന്‍റ് ഉഗ്വൂ എന്നൊരു വൈദികന്‍ ഇക്കൊല്ലം(2019) മാര്‍ച്ചു മാസത്തില്‍ വധിക്കപ്പെട്ടിരുന്നു. തട്ടിക്കൊണ്ടു പോകപ്പെട്ട അദ്ദേഹത്തെ മൂന്നു ദിവസത്തിനു ശേഷം മാര്‍ച്ച് 20-നാണ് കൊല്ലപ്പെട്ട നിലയില്‍ കണ്ടെത്തിയത്.
നൈജീരിയയില്‍ ഇക്കൊല്ലം വധിക്കപ്പെട്ട രണ്ടാമത്തെ വൈദികനാണ് പോള്‍ ഒഫു.
ഇക്കൊല്ലം നാളിതുവരെ ലോകത്തില്‍ 13 വൈദികര്‍ വധിക്കപ്പെട്ടുണ്ട്.
