Папата по молитвата на Ангел Господов: Војната е секогаш пораз
Војната, секоја војна, секогаш е пораз, уништување на човечкото братство. Во своето обраќање до верниците собрани на плоштадот Свети Петар по неделната молитва на ангелскиот поздрав, на 22 октомври, папата Фрањо уште еднаш упати апел сите оружја да замолчат.
Апел за хуманитарна помош и ослободување на заложниците
Светиот Отец посебно мисли на народите на Израел и Палестина: Многу сум загрижен и тажен, се молам и ја изразувам својата близина со сите оние кои страдаат, заложниците, повредените, жртвите и нивните семејства , рече Папата.
На редовната Генерална аудиенција одржана во среда, на 18 октомври, мислите и молитвите на папата Фрањо беа подеднакво насочени кон сериозната хуманитарна ситуација во Појасот Газа, како и на насилството што ги зафати во последните денови христијанските места во таа област.
Ме ражалости што англиканската болница и грчката православна парохија беа погодени во последните денови. Повторно повикувам да се отворат простори, да се продолжи со доставување хуманитарна помош и да се ослободат заложниците, апелираше денеска Светиот Отец.
Ден на пост, молитва и покајание
Римскиот бискуп потсети дека во петок, 27 октомври, ќе се посвети на пост, молитва и покајание, а со почеток во 18:00 часот ќе се одржи молитвен час посветен за мирот во светот во базилилата Свети Петар.
Војната, сите војни во светот, мислам и на страдалната Украина, се пораз . Војната е секогаш пораз, таа е уништување на човечкото братство. Браќа, престанете! Престанете!, рече папата Фрањо.