Страдањата на Украина и патувањето во Монголија

На крајот од Генералната удиенција во среда 30 август 2023 година папата Фрањо во поздравите до верниците на италијански јазик и ја спомена војната во Украина. Уште еднаш ја изразуваме нашата близина и молитва за милата и напатена Украина, толку искушувана од големото страдање – рече тој.

Пред тоа, Светиот Отец ги замоли верниците да го придружуваат во молитва на неговото претстојно Апостолско патување, на кое од 31 август до 4 септември, ќе ги посети - како што рече - своите браќа и сестри во Монголија.