Пребарување

Vatican News
2021.04.19 Msgr. Kiro Stojanov served Holy Mass for the Msgr. Joachim Herbut, on the anniversary of his repose, Skopje, North Macedonia

Бискупот Стојанов служеше света Литургија за покојниот монс. Јоаким Хербут

По повод годишнината од упкојувањето на бискупот Хербут во Скопската катедрала Скопскиот бискуп и Струмичко - скопски епарх монс. Стојанов служше Света Миса

На 15 април 2021 година во катедралата „Пресвето Срце Исусово“ во Скопје, Скопскиот бискуп и Струмичко – скопски епарх, монс. Киро Стојанов служеше света Литургија за покојниот монс. Јоаким Хербут, на годишнината од неговото упокојување. На светата Литургија со бискупот сослужуваа скопскиот парох дон Паво Шекерија и бискупскиот канцелар о. Марјан Ристов.

Во својата проповед бискупот Стојанов осврнувајќи се на Евангелието според Иван истакна: Во Евангелието свети Иван ни посочува дека го сака говорот на вистината што е одраз на Бога. Исус зборува за себе дека е Вистина. Затоа секој што го прима неговото сведоштво, го прима и прифаќа Исус-Вистината. Вистината не можеме да ја прикриемне, не можеме да ја заобиколиме, ниту уништиме затоа што е од Бога. Кој е со неа, тој е со Бога, Бог е вистина.

Исус живее во љубовта со Отецот. Љубовта беше нивниот говор и нивна комуникација, Кога свети Иван зборува за Бога, тој го дефинира на најкраток и наједноставен начин: Бог е љубов. Во таа љубов веруваше и живееше Неговото Преосвештенство, нашиот Ординариј, монс. д-р Јоаким Хербут. Верата и вечниот живот одат заедно. Да се верува едноставно значи да се живее. Веруваше во Вистината, ги слушаше и исполнуваше Неговите зборови, беше поинаков од сите нас, беше човек на молитва, живееше, го проповедуваше Божјото слово искажувајќи ја на дело својата вера и верност во Господа Бога, предавајќи го својот дух во Него. Молејќи го Господа Бога да му удели радост во небесното Царство, а преку нашите молитви нека се застапува за нас и за оваа месна Црква на која за својот земски живот и служеше цели 35 години како нејзин Архипастир – истакна бискупот Стојанов во проповедта за време на светата Литургија за покојниот бискуп Хербут.

19 април 2021, 10:31