መገድታት ሲኖዳዊ ኢዮቤል ዓመጽን ሕነ ምፍዳይን ንምዕጋት ዝድግፍ ፍትሒ ዘሐድስ እዩ

ስምዖን ተ. ኣርኣያ - ሃገረ ቫቲካን

ናይ መወዳእታ መድረኽ 2023 ንጉዕዞታት ሲኖዳላዊ ኢዮቤል ዝብል ኮይኑ፡ እቲ ኣብ 2025 ዓ.ም. ዝካየድ ቅዱስ ዓመተ እዮቤል ኣብ ግምት ብምእታው፡ ብባዚሊካ ቅዱስ ጴጥሮስ ዝተደገፈ፡ "ካብ ፍትሒ ናብ ሕውነት" ዝብል ኣርእስቲ ዝገበረ ዓውደ ጉባኤ ኣብ ሃገረ ቫቲክን ኣብ ዝርከብ ናይ ሲኖዶስ ኣዳራሽ ክካየድ ከም ዝኾነን በዚ ምኽንያት እዚ ናይ ጳጳሳዊ ማሕበር “ኩላትና ኣሕዋት” ሓፈሻ ዋና ጸሓፊ ኣባ ፍራንቸስኮ ኦኬታ ተለፓቸ ምስ እተሰምየ ናይ ኢጣሊያ ብጹዓን ጳጳሳት ቤት ምኽሪ መደብር ተለቪዥን ኣብ ዘካየድዎ ቃለ መሕትት፥ ናይቲ ዓውደ ጉባኤ ዕላማ፥ “ንኩናትን ዓመጽን ኣማራጺ ረባሕታ” ንምቕራብ ዝብል ምዃኑ ሓቢሮም። እዚ እውን ካብ መጽሓፍ ቅዱስ ዝምንጩን ርእሰ ሊቃነ ጳጳሳት ፍራንቸስኮስ ብንጹር ዝስዕብዎን ኣብ ካሕሳ ዝተመርኮሰ ኣርኣያ ፍትሒ ምሕሳብ እዩ" ኢሎም።

ዝተበታተነ ዝምድናታት ምጽጋን።

“ኣብነታዊ መቕጻዕትን ሕነ ምፍዳይን ጥራይ ዘይኮነስ” እቲ ኢየሱሳዊ፡ ነቶም ኣብ ጽላት ፍትሒ ዝሰርሑ እውን ብዛዕባ እዚ ጉዳይ እዚ ይዛረብ ከም ዝነበረን። እቲ ኣገባብ ብመሰረቱ ኣብ ጽገና ዝተበታተነ ዝምድናታት ዝተመርኮሰ ኮይኑ፡ ንሓባራዊ ህይወትና መጻኢ ንምሃብ ዝዓለመ እዩ።" "ኩላትና ዝምድናታት ንበታትን፡ ካብ ስድራቤት ክሳብ ሃይማኖታዊ ማሕበረሰባት ክሳብ ግዝኣታትን ብጭቡጥን ኣብ ዓለም ምብትታት ዝምድና ዝወልዶ ልዕሊ 50 ውግኣት ከም ዝካየድ ንርኢ።”

ኣገዳስነት ናይቲ ኣኼባ

ስለዚ ጽገና ኣብዚ መስርሕ መሰረታዊ ይኸውን። ዋና ጸሓፊት ጳጳሳዊ ማሕበር ኩላትና ኣሕዋት፡ "ንኻልኦት እንተዘይቀሪብናዮም፡ ንነብስና'ውን ንኽሕዶ" ቢሎም፡ እቲ ዕላማ ነቲ መንገዲ ንምምዕባል ዝሕግዝ ልክዕ ኣገባብ ንምልላይ'ውን ምዃኑ ደጊሞም ይገልጹ። . . .  ምስ እዚ ብምትስሳር ድማ ካብቲ ካብ ዝሓለፈ ዓመት ጀሚሮም ንበረገሳዊ ማሕበረሰብ ንምቕባልን ንምስማዕን መድረኽ ዘቕረቡ መንገድታት ሲኖዳዊ ኢዮቤል ናብዚ ዘሰንዩን ኣብዚ ዝሃንጹን እዮም።

ምስክርነት ቫለርያ ኮሊና

ኣብ 2017 ዓ.ም. ኣብ ለንደን ግብረሽበራዊ መጥቃዕቲ ፈጺሞም ካብ ዝተቐትሉ ሰለስተ ኣሸበርቲ ናይቲ ሓደ ወላዲት ሰዓብቲ ሃይማኖት ምስልምና ቫለርያ ኮሊና ኣብቲ ዝካየድ ዓውደ ኣኼባ ምስክርነት ከቕርባ ከም ዝኾናን ልዕሊ ኩሉ ድማ ምስ ካቶሊካዊ ዓለም ዝተገብረ ዘተ ኣመስጊነን፡ እተን ኣደ ብፍላይ መንእሰያት ዝጸልው ጸንፈይናነትን ኣኽራርነትን ዓመጽን ኣብ ምኹናንን ሰላም ኣብ ምሕናጽ ዓቢ ኣበርክቶ ከም ዘለወን ዝፍለጥ ኮይኑ። “ኣነ ብርግጽ ምኽሪ ንምሃብ ዝበለጸት ሰብ ኣይኮንኩን” ቢለን፥ “መብዛሕትኡ ግዜ ምስክርነተይ ኣብ ውሽጢ ህላወ ክኢላታት ዘጠቓልል መንገዲ እዩ ዝፍጸም፣ ከምቲ ኣብ ቫቲካን ኣብ ዝካየድ ዓውደ መጽናዕቲ፡ ከመይ ጌሮም ከም ዝግምግሙን ከም ዝጥቀሙሉን ዝፈልጡን ኣብ ዝርከብሉ መድርኽ” ኢለን።

ቃንዛ ወላዲት

ኮሊና ብዛዕባ ኣብ ኣብያተ ትምህርትን መናብርተ ጥበብን ኣብ ዝዳለዉ ኣኼባታት ተረኺበን ምስክርነትን መደረን ከም ዘስምዓን እዚ ድማ መብዛሕትኡ ግዜ ኣብ ቃንዛአን ጥራይ ዘማእከለ ኮይኑ ኣብ ኣኽራርነትን ኣኽራርነትን ብዙሕ ምኽንያት ከይሃበ እዩ። . . . ብዙሓት ሰባት ንወደይ ይቕረ ኢለሉ እንተ ዀይነ ይሓቱኒ እዮም" . . . እዚ ኸኣ ነቲ ዝተፈጸ በደል ንምሕካኽ ዚሕግዝ እዩ። እቲ ዝዓበየ ግን ብፍቕሪ ምጥማት እዩ። . . . ምናልባት እዚ ክገብሮ ዘይክእል እኸውን እንተዀነ ግን ክገብሮ ዝኽእል ሰብ ከም ዘሎ ምፍላጥ የበርትዓኒ" ኢለን።