ር. ሊ. ጳ. ኽብሪ ዅለን ደቂ ኣንስትዮ ክሕሎ ጻውዒት ኣቕሪቦም

ኣባ ተወልደ መብራህቱ - ሃገረ ቫቲካን

ርእሰ ሊቃነ ጳጳሳት ፍራንቸስኮ ኣብቲ ትማሊ ሰንበት ድሕሪ ጸሎት መልኣከ እግዚአብሔር ኣብ ዘቅረብዎ ሰላምታን ቃል ምሕጽንታን፣ ነቲ ቅድሚ ኽልተ መዓልቲ ከም ኣህጉራዊ መዓልቲ ደቂ ኣንስትዮ ተዘኪሩ ዝወዓለ ዕለት ዘከሩ ።

ገና ብዙሕ ዚዕየ ነገራት

ማዕርነት ኽብረት ደቂ ኣንስትዮ ብጭቡቕ መገዲ ንምድንፋዕ ነፍሲ ወከፍና ኽንገብሮ ዘሎና ብዙሕ ነገራት ከም ዘሎ ውን ኣመልከቱ።

ማሕበራውን ፖለቲካውን ትካላት ክብሪ ነፍሲ ወከፍ ወድሰብ ናይ ምሕላውን ምድንፋዕን መሰረታዊ ግዴታ ከምዘለዎም ብምዝኽኻር ፣ ደቂ ኣንስትዮ፣ ተሸከምቲ ህይወት ክኾና፣ ምእንቲ ነቲ ህያብ ህይወት ተቐቢለ ክኽእላን ንደቀን ውሕስነት ክረኽባን ክቡር ሕይወት ከስተማቕራን ኣድላዪ ኩነታት መነባብሮ ክረጋገጸለን ከም ዝግባእ ኣመልኪቶም።