ድለ

Vatican News
ኣብ ወደብ በይሩት ዝወረደ ዓቢ ባርዕ ነትጒ ኣብ ወደብ በይሩት ዝወረደ ዓቢ ባርዕ ነትጒ   (AFP or licensors)

ር.ሊ.ጳ ስለግዳያት ባርዕ ነትጒ ሊባኖስ ይጽልዩ!

ቅ.ኣ.ር.ሊ.ጳ ፍራንቸስኮስ ኣብ ፍጻሜ ሶሙናዊ ናይ ዕለተ ሮቡዕ ሓፈሻዊ ትምህርተ ክርስቶስ በቲ ኣብ በይሩት ትማሊ ዘጋጠመ ዓቢ ባርዕ ነትጒ ዝተጐድኡን ኣብታ ሃገር ዝሰዓበ ዓቢ ዕንወትን ከምዝጽልዩ ገሊጾም።

ዜና ቫቲካን!

ትማሊ ሰሉስ ኣብ ወደብ በይሩት ብዝወረደ ዓቢ ባርዕ ነትጒ 100 ዝኾኑ እንክሞቱ ልዕሊ 4000 ከምዝቈሰሉን ብዙሕ ንብረት ከምዝዓነወን እንክምልከት ቅዱስንቶም ኣብ ፍጻሜ ሶሙናዊ ናይ ዕለተ ሮቡዕ ትምህርቲ ክርስቶስ ብከመይ ከምዝሰምዕዎን ዝተሰምዖም ሓዘን ብምግላጽ ስለ እቶም ግዳይ ከምዝጽልዩ ከምዚ ክብሉ ገሊጾም።

“ትማሊ ኣብ በይሩት ጥቃ ወደብ ዓቢ ባርዕ ዘስዓበ ነትጒ ከምተፈጸመን ብዙሃት ከምዝቀተለን ብኣሽሓት ዝቊጸሩ ከምዘቊሰለን ሰፍ ዘይብል ዕንወት ከምዝበጽሐን ሰሚዕና። ስለ እቶም ግንዳያት ንጸሊ ስለ ስድራቤታቶም ንጸሊ ስለ ሃገረ ሊባኖስ ንጸሊ። ሃገረ ሊባኖስ ንኩሉ ማሕበራውን ፖሎቲካውን እምነታውን ብምውፋር ብሓገዝ ዓለምለኸ ማሕበረሰብ ተደጊፋን ነዚ ሕሱምን ዘሕዝንን ግዜ ግዜ ምእንቲ ክትሰግሮ ምእንታኣ ንጸሊ ኢሎም።”

ክሳብ ሕጂ ብዝተቈጽረ እንተወሓደ ሚእቲ ዝኾኑ ምውታት ከምዝተረኽቡን ልዕሊ ኣርባዕተ ሺሕ ዝኾኑ ቊስላትን እንክርከቡ ገና እቲ ፍርሂ ይቅጽል ምህላውን ምናዳ ከኣ ብዙሓት ሰባት ኣብቲ ፍርስራስ ተቀቢሮም ከይህሉ ስግኣት ኣሎ። ናይቲ ከባቢ ሰበሥልጣን ከምዘመልክትዎ እቲ ነትጒ ኣብ ወደብ በይሩት ተኣኪቡ ኣብ ዝነበረ ብዙሕ ቶናት ናይ ኣሞንዩም ኒትረይት ዝበሃል ነተጒቲ ንክትሰርሕ እትጥቀመሉ ንጥረ ነገር ብዘጋጠመ ሃደጋ ባርዕ ምዃኑ ይገልጹ።

ብድምጺ ንምክትታል!

 

 

05 August 2020, 11:42