ነቶም ብቃል ዓለም ዝተኣሠሩ ሓጐስ ዘይብሎም ክርስትያን ኣይፋልኩም ንበሎም! ር.ሊ.ጳ

“ሓደ በዓል ነበረ። ሕዝበ እግዚአብሔር ይሕጐስ ከመይ እግዚአብሔር ምሳኦም ከምዘሎ የረጋግጹ። ንጉሥ ዳዊትከ! ዳዊትሲ ይስዕስዕ ግዲ ወረ ኣብ ቅድሚ ሕዝቢ ብዘይ ምንም ሕፍረት። ነዚ ኩሉ ዝገብር ከኣ እቲ ንጐይታ ምስ ረኸብካ እትረኽቦ ውሽጣዊ ሓጐስ እዩ። ንግሥነቱ ዙፋኑ ኩሉ ረሲዑ ምስ ሕዝቡ ይሕጐስ። ነዚ ሓጐስ ከኣ ብሳዕሳዒት ይገልጾ። ምስ ጐይታ ምስ ኰናኸስ ሓጐስ ንሓጐስ ኢና ንኸውን ኣበይ ኣሎና ምስ ኣሎና ብዘየገድስ። ሕዝበ እስራኤል ከምዚ ዓይነት ዝተሓጐሱሉ ኣብ ግዜ ነህምያ እቲ ጠፊኡ ዝነበረ መጽሓፈ ሕጊ ምስ ተረኽበ እዩ። ምሉእ መዓልቲ ክበኽዩን ክሕጐሱን ንሕጊ ሙሴ ክሰምዑን ከምዝወዓሉ ይዝንቶ። ነዚ ሓጐስ ዚዕንቅፍ ግን ተጸጊሙ የጸግም።”

“እዚ ግን ንቅኑዕ መንፈሳውነት እምነት ነቲ ንጐይታ ምስ ረኸብካ ዝመጸካ ቅጽበታዊ ሓጐስ ምስትንዓቅ እዩ። ዳዊት ግን ኣይሓመቀን ምኽንያት ሓጐሱ እንታይ ከምዝኾነ ይገልጸላ። ንታቦተ ሕግ ኣብ ገዛ ኣምጺእናዮ ብጐይታ ክንሕጐስ ግድን እዩ ይብላ። ንሳ ግን ገና ምስትንዓቃ ትቅጽል በዚ ከኣ ክሳብ ትመውት ውሉድ ኣይረኸበትን። ኣብ ሕይወት ሓደ ክርስትያን ሓጐስ ክጐድል እንከሎ ፍርያማነት ይጐድሎ። ኣብ ልቢ ሓጐስ እንተዘየሎ ምንም ክንፈሪ ኣይንኽእልን። ስለዚኸስ ንቅድሚት ክንግስግስ እንተደኣ ኰና ሕጉሳት ሰበኽቲ ወንጌል ክንከውን ኣሎና። ምስ ዕሚም ዝብሉን ዝሰልቸውን ሰበኽቲ ወንጌል ቤተክርስትያን ብምንም ተኣምር ንቅድሚት ክትስጉም ኣይትኽእልን። ሓጐስ ቃል ኣምላኽ ምቅባል ዘስከሮም ምሉእ ሕይወት ዘለዎም ሕጉሳት ሰበኽቲ ወንጌል ጥራይ እዮም ንቅድሚት ከገስግሱ ዝኽእሉ። ከም ንጉሥ ዳዊት ከይሓፈርካ ብጐይታ ምሕጓስ እምበር ከም ሚካል ዚኣመሰሉ ብቃል ዓለም ዝተኣሥሩ ክርስትያን ክንከውን የብልናን።”