പലസ്തീൻ അഭയാർത്ഥികളുടെ കാര്യത്തിൽ ആശങ്ക !

ജോയി കരിവേലി, വത്തിക്കാൻ സിറ്റി

ഇസ്രായേൽ-ഹമാസ് പോരാട്ടം മൂലം അഭയാർത്ഥികളായിരിക്കുന്ന പലസ്തീൻകാർക്ക് മാനവികസഹായം ആവശ്യമാണെന്ന് പലസ്തീൻകാരായ അഭയാർത്ഥക്കുവേണ്ടി ഐക്യരാഷ്ട്രസഭയുടെ കീഴിലുള്ള സംഘടന (Unrwa) പറയുന്നു.

ഗാസ മുനമ്പിലെ നിവാസികളിൽ ചുരുങ്ങിയത് നാല്പതു ശതമാനമെങ്കിലും പട്ടിണിയുടെ പിടിയിലാകുന്ന അപകടമുണ്ടെന്ന് ഈ സംഘടന മുന്നറിയിപ്പു നല്കുന്നു.

യുദ്ധം ഗാസയിൽ 22000 പേരുടെ ജീവൻ അപഹരിക്കുകയും 55000-ത്തിലേറെപ്പേരെ മുറിവേല്പിക്കുകയും ചെയ്തിട്ടുണ്ടെന്ന് കണക്കുകൾ കാണിക്കുന്നു. ഗാസയയിൽ നടക്കുന്ന യുദ്ധം മനുഷ്യക്കുരുതിയുടെ ഒരു പ്രവർത്തിയാണെന്ന ആരോപണം ഇസ്രായേൽ നിഷേധിക്കുന്നു. അത് പ്രതിരോധ പോരാട്ടമാണെന്നും ധാർമ്മികമാമെന്നുമാണ് ഇസ്രായേലിൻറെ വാദം.