“മതാന്തരതലത്തിൽ സമാഗമ സംസ്കൃതി കെട്ടിപ്പടുക്കുന്ന മഹിളകൾ”!

ജോയി കരിവേലി, വത്തിക്കാൻ സിറ്റി

സ്ത്രീകളെ അധികരിച്ച് ഒരു രാജ്യാന്തര സമ്മേളനം റോമിൽ ജനുവരി 25-27 വരെ നടക്കും.

മതാന്തരസംവാദത്തിനായുള്ള വത്തിക്കാൻ വിഭാഗം കത്തോലിക്കാ വനിതാസംഘടനകളുടെ ലോക സമിതിയുടെ സഹകരണത്തോടെയാണ് ഇത് സംഘടിപ്പിക്കുന്നത്.

“മതാന്തരതലത്തിൽ സമാഗമ സംസ്കൃതി കെട്ടിപ്പടുക്കുന്ന മഹിളകൾ” എന്ന പ്രമേയമാണ് ഈ ത്രിദിന സമ്മേളനം സ്വീകരിച്ചിരിക്കുന്നത്. സമ്മേളന വേദി റോമിലെ ഉർബനിയാന പൊന്തിഫിക്കൽ സർവ്വകലാശാലയാണ്.

വിവിധ തുറകളിൽ നിന്നുള്ള മതാന്തര സംരംഭങ്ങളെ ശ്രവിക്കുക, മതപാരമ്പര്യങ്ങളുടെയും ആത്മീയതയുടെയും ആഗോള ശൃംഖല വികസിപ്പിക്കുക എന്നിവയാണ് ഈ സമ്മേളനത്തിൻറെ ലക്ഷ്യം.