ആഫ്രിക്കയുടെ കൊമ്പു പ്രദേശങ്ങളിൽ പട്ടിണി ഭീഷണി!

ജോയി കരിവേലി, വത്തിക്കാൻ സിറ്റി

ഉക്രൈയിൻ യുദ്ധത്തിൻറെ പ്രത്യാഘാതങ്ങൾ ആഫ്രിക്കയുടെ കൊമ്പ് എന്നറിയപ്പെടുന്ന പ്രദേശത്തേയ്ക്കും വ്യാപിച്ചിരിക്കുന്നുവെന്ന് ഇറ്റലിയിലെ ജീവകാരുണ്യപ്രവർത്തന സംഘടനയായ ചേസ്വി (CESVI).

കെനിയ, എത്യോപിയ സൊമാലിയ എന്നിവിടങ്ങളിൽ രണ്ടുകോടിയിലേറെ ജനങ്ങൾ പട്ടിണിയുടെ പിടിയിലാകുമെന്ന് ഈ സംഘടന ആശങ്ക പ്രകടിപ്പിക്കുന്നു. കലാപങ്ങൾക്കും കോവിദ് 19 മഹാമാരിക്കും പുറമെ വരൾച്ചയും ഈ ഭക്ഷ്യദൗർല്ലഭ്യത്തിനു കാരണമാണെന്ന് ഈ സംഘടന ചൂണ്ടിക്കാട്ടുന്നു.

കെനിയയിൽ അഞ്ചുവയസ്സിൽ താഴെ പ്രായമുള്ള 9 ലക്ഷത്തി 40000-ത്തോളം കുട്ടികൾ ഗുരുതരമായ പോഷണവൈകല്യം അനുഭവിക്കുന്നുണ്ടെന്ന് ചെസ്വി സംഘടന വെളിപ്പെടുത്തുന്നു.