ശാരീരിക സഹായം ആവശ്യമുള്ളവരുടെ എണ്ണം വർദ്ധിച്ചുകൊണ്ടിരിക്കുന്നു!

ജോയി കരിവേലി, വത്തിക്കാൻ സിറ്റി

ലോകത്തിൽ 250 കോടിയോളം ജനങ്ങൾക്ക് ശാരീരികമായ സഹായം ആവശ്യമുണ്ടെന്ന് ഐക്യരാഷ്ട്രസഭയുടെ ശിശുക്ഷേമനിധിയും (യുണിസെഫ്- UNICEF) ലോകാരോഗ്യ സംഘടനയും (WHO) വെളിപ്പെടുത്തുന്നു.

ചക്രക്കസേര, കേൾവി ഉപകരണങ്ങൾ തുടങ്ങിയ എന്തെങ്കിലും ഉപാധികൾ ആവശ്യമായി വരുന്നവരാണ് ഇവർ എന്ന് ഈ സംഘടനകൾ വ്യക്തമാക്കുന്നു.

ഇവരിൽ നൂറുകോടിപ്പേർ കുട്ടികളും അംഗവൈകല്യമുള്ള മുതിർന്നവരും വൃദ്ധജനവും ആണെന്നും അംഗവൈകല്യമുള്ള അവസ്ഥയിൽ കഴിയുന്ന കുട്ടികളുടെ എണ്ണം 24 കോടിയോളം വരുമെന്നും ഈ സംഘടനകൾ പറയുന്നു.

2050 ആകുമ്പോഴേയ്ക്കും ശാരീരികമായ ഇത്തരം സഹായം ആവശ്യമുള്ളവരുടെ എണ്ണം 350 കോടി ആയി ഉയരുമെന്ന് കണക്കാക്കപ്പെടുന്നു.