ഭൂമിയുടെ സംരക്ഷണത്തിനായി ഉപവാസ ദിനം!
ജോയി കരിവേലി, വത്തിക്കാന് സിറ്റി
ഭൂമിയെ സംരക്ഷിക്കുന്നതിനുവേണ്ടി ഉപവാസമനുഷ്ഠിക്കാന് ഫ്രാന്സിലെ മത-സാമൂഹ്യ-ജീവകാരുണ്യ പ്രവര്ത്തകരും ബുദ്ധിജീവികളും തീരുമാനിച്ചിരിക്കുന്നു.
നവമ്പര് 30 മുതല് ഡിസംബര് 2 വരെ (30/11-02/12/2018) ആണ് ഉപവാസ ദിനങ്ങള്.
കാലാവസ്ഥയെ അധികരിച്ചുള്ള കോപ് 24 (COP 24) ഉച്ചകോടി പോളണ്ടിലെ കറ്റോവിച്ചില് ഡിസംബര് 4 മുതല് 14 വരെ നടക്കാന് പോകുന്നതിനോടനുബന്ധിച്ചാണ് ഈ ഒരു ഉപവാസ പരിപാടി ആസൂത്രണം ചെയ്യപ്പെട്ടിരിക്കുന്നത്.
കറ്റോവിച്ച് ഉച്ചകോടിയിലേക്ക് ജനങ്ങളുടെയും സര്ക്കാരുകളുടെയും ശ്രദ്ധ ക്ഷണിക്കുകയാണ് ഇതിന്റെ ലക്ഷ്യമെന്ന് ഉപവാസമനുഷ്ഠിക്കാന് എല്ലാവരെയും ക്ഷണിച്ചുകൊണ്ടുള്ള അഭ്യര്ത്ഥനയില് കാണുന്നു.
ലോകത്തില് നാം ജീവിക്കുന്ന ശൈലിയേക്കുറിച്ചു ചിന്തിക്കുന്നതിനും നമ്മുടെ ജീവിതശൈലിയില് സമൂര്ത്തം മാറ്റം വരുത്തുണമെന്ന് തീരുമാനിക്കുന്നതിനും അനുവദിക്കുന്ന വ്യത്യസ്തമായ ഒരു സമയമായിരിക്കും ഈ ഉപവാസം എന്നും ഈ അഭ്യര്ത്ഥനയില് ഒപ്പുവച്ചിട്ടുള്ള മത-സാമൂഹ്യ-ജീവകാരുണ്യ പ്രവര്ത്തകരും ബുദ്ധിജീവികളും പറയുന്നു.
വായനക്കാർക്ക് നന്ദി. സമകാലികസംഭവങ്ങളെക്കുറിച്ച് കൂടുതലായി അറിയാൻ ഇവിടെ ക്ലിക് ചെയ്ത് വത്തിക്കാൻ ന്യൂസ് വാർത്താക്കുറിപ്പിന്റെ സൗജന്യവരിക്കാരാകുക: