ലിസ്ബൺ യുവജന സംഗമത്തിൽ പ്രാർത്ഥനയാൽ പങ്കുചേരുക !

ജോയി കരിവേലി, വത്തിക്കാൻ സിറ്റി

ആഗസ്റ്റ് 1-6 പോർച്ചുഗലിലെ ലിസ്ബണിൽ നടക്കുന്ന മുപ്പത്തിയേഴാം ലോക കത്തോലിക്കാ യുവജനദിനാചരണത്തിൽ യുവജനങ്ങളോടും പാപ്പായോടും പ്രാർത്ഥന വഴി ഒന്നു ചേരാൻ ആ ദിനങ്ങളിൽ വത്തിക്കാനിൽ വിശുദ്ധ പത്രോസിൻറെ ബസിലിക്കയിൽ എത്തുന്ന തീർത്ഥാടകർക്ക് ക്ഷണം.

ഇതിനു സൗകര്യം ഒരുക്കിക്കൊണ്ട് അല്മായർക്കും കുടുംബത്തിനും ജീവനും വേണ്ടിയുള്ള വത്തിക്കാൻ വിഭാഗത്തിൻറെ സഹകരണത്തോടെ വിശുദ്ധ പത്രോസിൻറെ ബസിലിക്കയിൽ ദിവ്യപൂജാർപ്പണം ഉണ്ടായിരിക്കും. കൂടാതെ രാവിലെ 8.30-ന് അർപ്പിക്കപ്പെടുന്ന ഈ വിശുദ്ധകുർബ്ബാനാന്തരം, പതിവുപോലെ, ദിവ്യകാരുണ്യാരാധനയും ഉണ്ടായിരിക്കും.