37 മത് ലോക യുവജന ദിനം പ്രമാണിച്ച് പ്രത്യേക സ്റ്റാമ്പും തപാൽ മുദ്രയും

സി. റൂബിനി ചിന്നപ്പ൯ സി.റ്റി.സി, വത്തിക്കാ൯ ന്യൂസ്

വരുന്ന  ആഗസ്റ്റ് ഒന്നു മുതൽ 6 വരെ  ലിസ്ബണിൽ നടക്കുന്ന 37 മത് ലോകയുവജന ദിനം അനുസ്മരിക്കുന്നതിന് പ്രത്യേക സ്റ്റാമ്പും തപാൽ മുദ്രയും വത്തിക്കാൻ രാജ്യത്തിന്റെ  തപാൽ വിഭാഗം പുറത്തിറക്കി. ജൂലൈ 6 ഉം ,7 ഉം തിയതികളിൽ തപാലാഫീസിൽ മുൻ പറഞ്ഞ പ്രത്യേക മുദ്ര ഉപയോഗിക്കും.  സ്റ്റാമ്പുകൾ മുദ്ര ചെയ്തു കിട്ടാൻ വത്തിക്കാന്റെ  തപാൽ വകുപ്പിൽ ആഗസ്റ്റ് 12 വരെ സൗകര്യമുണ്ടായിരിക്കും.

2-3 വർഷത്തിലൊരിക്കൽ സംഘടിപ്പിക്കുന്ന ഒരു സംരംഭമാണ് ആഗോള യുവജന ദിനം. സാധാരണ വേനൽക്കാല മാസങ്ങളിലാണ്  വലിയ തോതിലുള്ള യുവജന സാന്നിധ്യത്തിൽ ഈ സംഗമം അരങ്ങേറുന്നത്.  2023 ആഗസ്റ്റ് 1 ചൊവ്വാഴ്ച മുതൽ 6  ആം തിയതി ഞായറാഴ്ച വരെ പോർച്ചുഗലിലെ ലിസ്ബണിൽ  പരിശുദ്ധ പിതാവിന്റെയും ദശലക്ഷക്കണക്കിന് വരുന്ന യുവജനങ്ങളുടെയും സാന്നിധ്യത്തിൽ നടക്കാനിരിക്കുന്ന ഈ പരിപാടിക്കായി ലിസ്ബൺ ഒരുങ്ങി കൊണ്ടിരിക്കുന്നു.  കത്തോലിക്കാ സഭയിൽ  നടക്കുന്ന സുപ്രധാന സംഭവങ്ങളിൽ ഒന്നാണ് ആഗോള ലോക യുവജന ദിനം.