വത്തിക്കാൻ സ്ഥിരം നിരീക്ഷകനായി ആർച്ചുബിഷപ്പ് എത്തോറെ ബാലെസ്ട്രെറോ

ഫാ.ജിനു ജേക്കബ്,വത്തിക്കാൻ സിറ്റി

ജനീവയിലെ ഐക്യരാഷ്ട്ര സഭയുടെ ഓഫീസിലും,ലോക വ്യാപാര സംഘടന മറ്റും ലോക പ്രവാസി സംഘടനയുടെയും വത്തിക്കാൻ സ്ഥിരം നിരീക്ഷകനായി ആർച്ചുബിഷപ്പ് എത്തോറെ ബാലെസ്ട്രെറോയെ ഫ്രാൻസിസ് പാപ്പാ നിയമിച്ചു.

1966 ൽ ഇറ്റലിയിലെ ജെനോവയിൽ ജനിച്ച അദ്ദേഹം 1993 ൽ വൈദികനായി അഭിഷേകം ചെയ്യപ്പെടുകയും തുടർന്ന് 2013 ൽ ആർച്ചുബിഷപ്പ് സ്ഥാനത്തേക്ക് ഉയർത്തപ്പെട്ട് കൊളംബിയയിൽ വത്തിക്കാൻ സ്ഥാനപതിയായി നിയമിതനാവുകയും ചെയ്‌തു. ഡെമോക്രാറ്റിക് റിപ്പബ്ലിക് ഓഫ് കോംഗോയിലെ അപ്പോസ്തോലിക് ന്യൂൺഷ്യോയായി സേവനം ചെയ്തു വരവെയാണ് ഈ പുതിയ നിയമനം.

നയതന്ത്ര വിഭാഗത്തിലെ തന്റെ സേവനകാലയളവിൽ വത്തിക്കാൻ സ്റ്റേറ്റ് സെക്രട്ടറിയേറ്റിന്റെ മറ്റു രാജ്യങ്ങളുമായുള്ള ബന്ധങ്ങളുടെ വിഭാഗത്തിന്റെ  അണ്ടർ സെക്രട്ടറിയായും സേവനമനുഷ്ഠിച്ചിട്ടുണ്ട്. റോമൻ രൂപതാംഗമാണ് ആർച്ചുബിഷപ്പ്.