വൈവിധ്യം സ്വാഗതം ചെയ്യാൻ നമ്മെ ക്ഷണിക്കുന്ന ക്രൈസ്തവൈക്യം !

ജോയി കരിവേലി, വത്തിക്കാൻ സിറ്റി

പരിശുദ്ധാരൂപി നമ്മെ സാരൂപ്യത്തിൽ തളച്ചിടുന്നില്ലയെന്ന് മാർപ്പാപ്പാ.

അനുവർഷം ജനുവരി 18-25 വരെ ക്രൈസ്തവൈക്യത്തിനായുള്ള പ്രാർത്ഥനാവാരം ആചരിക്കപ്പെടുന്ന പശ്ചാത്തലത്തിൽ,സ ചൊവ്വാഴ്ച  (23/01/24) “ക്രൈസ്തൈവക്യം” (#ChristianUnity) എന്ന ഹാഷ്ടാഗോടുകൂടി  കണ്ണിചേർത്ത ട്വിറ്റർ സന്ദേശത്തിലാണ് ഫ്രാൻസീസ് പാപ്പാ ഇങ്ങനെ പറഞ്ഞിരിക്കുന്നത്.

പാപ്പാ കുറിച്ച പ്രസ്തുത സന്ദേശം ഇപ്രകാരമാണ്:

“നാം നടത്തിക്കൊണ്ടിരിക്കുന്ന #ക്രൈസ്തവൈക്യത്തിലേക്കുള്ള യാത്ര വൈവിധ്യത്തെ മാനിക്കുന്നതാണ്: പരിശുദ്ധാത്മാവ് നമ്മെ ഐകരൂപ്യത്തിൽ അടച്ചിടുന്നില്ല, പ്രത്യുത, വൈവിധ്യങ്ങളെ സ്വാഗതം ചെയ്യാൻ നമ്മെ സന്നദ്ധരാക്കുന്നു.”

വിവിധഭാഷകളിലായി 5 കോടി 35 ലക്ഷത്തിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍, ഇറ്റാലിയന്‍, ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

IT: L’#UnitàdeiCristiani, verso la quale siamo in cammino, rispetta la diversità: lo Spirito Santo non ci rinchiude nell’uniformità, ma ci dispone ad accoglierci nelle differenze.

EN: The journey toward #ChristianUnity, which we are on, respects diversity. The Holy Spirit never imprisons us in uniformity, but instead prepares us to embrace each other in our differences.