പാപ്പാ: സംസ്കാരത്തെ പരീക്ഷിക്കുന്ന കാലങ്ങളുടെ ഒരു അടയാളമാണ് കുടിയേറ്റം

സി. റൂബിനി ചിന്നപ്പ൯ സി.റ്റി.സി, വത്തിക്കാ൯ ന്യൂസ്

“കുടിയേറ്റങ്ങൾ സംസ്കാരത്തെ പരീക്ഷിക്കുന്ന കാലങ്ങളുടെ ഒരു അടയാളമാണ്. നമ്മൾ ക്രൈസ്തവരെ സംബന്ധിച്ചിടത്തോളം, ''ഞാൻ പരദേശിയായിരുന്നു, നിങ്ങൾ എന്നെ സ്വീകരിച്ചു" (മത്താ 25, 35 ) എന്നു പറഞ്ഞ യേശുവിനോടുള്ള വിശ്വസ്തത കൂടിയാണ് അത്   മാറ്റുരയ്ക്കുന്നത്. ദൈവത്തിനു നമ്മോടുള്ള സ്നേഹം പോലെ സാമിപ്യവും, ആർദ്രതയും, ദയയും കൊണ്ടു തീർത്ത ഒരു സ്നേഹമാണാവശ്യം.”

ഡിസംബർ പതിനെട്ടാം തിയതി, കുടിയേറ്റക്കാരുടെ അവകാശങ്ങൾക്കായുള്ള അന്താരാഷ്ട്ര ദിനത്തിൽ ഇറ്റാലിയന്‍, ഫ്രഞ്ച്, പോര്‍ച്ചുഗീസ് എന്ന ഭാഷകളില്‍  #കുടിയേറ്റക്കാർ എന്ന ഹാഷ്ടാഗോടു കൂടി പാപ്പാ തന്റെ ട്വിറ്റർ സന്ദേശം പങ്കുവച്ചു.  

ലോകത്തിന്റെ വിവിധ ഭാഗങ്ങളിൽ നിന്നുള്ള നാല് കോടിയിലേറെ വരുന്ന ട്വിറ്റര്‍ അനുയായികൾ പാപ്പാ പങ്കുവയ്ക്കുന്ന ട്വിറ്റര്‍ സന്ദേശങ്ങള്‍ വായിക്കുന്നു.