ഐക്യരഹിതമായ ദൗത്യനിർവഹണം ദുർബലമാണ് : പാപ്പാ

ഫാ.ജിനു ജേക്കബ്,വത്തിക്കാൻ സിറ്റി

സഭയുടെ മിഷൻ ദൗത്യത്തിൽ അത്യന്താപേക്ഷിതമായ ഐക്യത്തിന്റെ സന്ദേശം എടുത്തു പറഞ്ഞുകൊണ്ടും, ക്രിസ്തുവിൽ ഒന്നായിരിക്കുവാൻ എല്ലാവരെയും ക്ഷണിച്ചുകൊണ്ടും മിഷനറി മാസമായ ഒക്ടോബർ ഇരുപത്തിയഞ്ചാം തീയതി സമൂഹമാധ്യമമായ ട്വിറ്ററിൽ ഫ്രാൻസിസ് പാപ്പാ ഹ്രസ്വസന്ദേശം കുറിച്ചു.

സന്ദേശത്തിന്റെ പൂർണ്ണരൂപം ഇപ്രകാരമാണ്:

ഐക്യരഹിതമായ ദൗത്യനിർവഹണം ദുർബലമാണ്. ക്രിസ്തുവിനെക്കുറിച്ചുള്ള പ്രഖ്യാപനം സ്വീകരിക്കുന്നവരെ  സംബന്ധിച്ചിടത്തോളം, 'വിഭജിതനായ ക്രിസ്തു' ഒരു അപവാദമാണ്.ഇന്നും, ക്രിസ്തുവിലുള്ള നമ്മുടെ ഐക്യം എത്രയധികം വർധിക്കുന്നുവോ അത്രത്തോളം സുവിശേഷ പ്രഘോഷണം കൂടുതൽ തീവ്രമായിരിക്കും. #ക്രിസ്ത്യൻ ഐക്യം #മിഷനറി ഒക്ടോബർ

IT: La missione è più debole senza l’unità: un Cristo “spezzato” è uno scandalo per chi ne riceve l’annuncio. Anche oggi il Vangelo sarà più incisivo se crescerà la nostra unità in Cristo. #UnitàdeiCristiani #OttobreMissionario

EN: The mission is weaker without unity: a “splintered” Christ is a scandal for those who receive the proclamation. Today too the Gospel will be more incisive if our unity in Christ grows. #UnityOfChristians #MissionaryOctober #MissionMonth

സമൂഹമാധ്യമമായ ട്വിറ്ററിലൂടെ എഴുതപ്പെടുന്ന പാപ്പായുടെ  ഹ്രസ്വസന്ദേശങ്ങൾക്ക് പതിനായിരക്കണക്കിന് ആളുകളാണ് വായനക്കാരായും, പങ്കുവയ്ക്കുന്നവരായും ഈ ലോകം മുഴുവൻ ഉള്ളത്. ഒപ്പം ഏറ്റവും കൂടുതൽ അനുയായികൾ ഉള്ള ലോകനേതാക്കളുടെ ട്വിറ്റർ അക്കൗണ്ടുകളിൽ പ്രഥമസ്ഥാനം അലങ്കരിക്കുന്നതും പാപ്പായുടേതാണ് . കൃത്രിമബുദ്ധിശാസ്ത്രത്തിന്റെയും, പ്രയുക്തതയുടെയും ആധിക്യം നിറഞ്ഞ ലോകത്തിൽ ട്വിറ്റർ ആശയങ്ങൾ വളരെയധികം മനുഷ്യമനസ്സുകളെ സ്വാധീനിക്കുന്നുമുണ്ട്.