പാപ്പാ: കുടുംബം ജനസംഖ്യാപരമായ ശൈത്യകാലത്തിന്റെ സുപ്രധാനപ്പെട്ട മറുമരുന്ന്

സി. റൂബിനി ചിന്നപ്പ൯ സി.റ്റി.സി, വത്തിക്കാ൯ ന്യൂസ്

“ഭൗതികവും ആത്മീയവുമായ ദാരിദ്ര്യത്തിനും ജനസംഖ്യാപരമായ ശിശിരകാലത്തിന്റെ പ്രശ്‌നങ്ങൾക്കുമുള്ള സുപ്രധാനപ്പെട്ട മറുമരുന്നാണ് കുടുംബം. ജീവനെ സ്വാഗതം ചെയ്യുന്ന നയങ്ങൾക്കൊപ്പം കുടുംബ-സൗഹൃദ സാമൂഹിക, സാമ്പത്തിക, സാംസ്കാരിക നയങ്ങളും എല്ലാ രാജ്യങ്ങളിലും പ്രോത്സാഹിപ്പിക്കേണ്ടതുണ്ട്.”

മെയ് പതിനഞ്ചാം തിയതി ഇറ്റാലിയന്‍, ഇംഗ്ലീഷ്, സ്പാനിഷ്, പോര്‍ച്ചുഗീസ്, ഫ്രഞ്ച് എന്ന ഭാഷകളില്‍ #family എന്ന രണ്ട് ഹാഷ്ടാഗോടു കൂടി പാപ്പാ തന്റെ ട്വിറ്റർ സന്ദേശം പങ്കുവച്ചു.

ലോകത്തിന്റെ വിവിധ ഭാഗങ്ങളിൽ നിന്നുള്ള നാല് കോടിയിലേറെ വരുന്ന ട്വിറ്റര്‍ അനുയായികൾ പാപ്പാ പങ്കുവയ്ക്കുന്ന ട്വിറ്റര്‍ സന്ദേശങ്ങള്‍ വായിക്കുന്നു.