വിശുദ്ധ യൗസേപ്പ് നമുക്കേകുന്ന പാഠം, ദൈവാശ്രയബോധം !

ജോയി കരിവേലി, വത്തിക്കാൻ സിറ്റി

നമ്മുടെ ജീവിത നൗകയുടെ ചുക്കാൻ ദൈവത്തിനു വിട്ടുകൊടുക്കാൻ നാം ഭയപ്പെടരുതെന്നു മാർപ്പാപ്പാ.

തൊഴിലാളികളുടെ സ്വർഗ്ഗീയ മദ്ധ്യസ്ഥനായ വിശുദ്ധ യൗസേപ്പിൻറെ തിരുന്നാൾ ദിനവും മെയ്ദിനവും ആചരിച്ച മെയ് ഒന്നിന് തിങ്കളാഴ്ച (01/05/23) കണ്ണിചേർത്ത ട്വിറ്റർ സന്ദേശത്തിലാണ് ഫ്രാൻസീസ് പാപ്പാ യൗസേപ്പിതാവ് നമുക്കേകുന്ന പാഠം എന്തെന്നു വ്യക്തമാക്കിക്കൊണ്ട് ഇങ്ങനെ കുറിച്ചത്.

പാപ്പായുടെ പ്രസ്തു ട്വിറ്റർ സന്ദേശം ഇപ്രകാരമായിരുന്നു:

“ജീവിതത്തിൻറ കൊടുങ്കാറ്റുകൾക്കിടയിൽ, നമ്മൾ നമ്മുടെ നൗകയുടെ ചുക്കാൻ ദൈവത്തിന് വിട്ടുകൊടുക്കാൻ ഭയപ്പെടേണ്ടതില്ലെന്ന് വിശുദ്ധ യൗസേപ്പ് നമ്മെ പഠിപ്പിക്കുന്നു.”

വിവിധഭാഷകളിലായി 5 കോടി 35 ലക്ഷത്തിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍, ഇറ്റാലിയന്‍, ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

IT: San Giuseppe ci insegna che, in mezzo alle tempeste della vita, non dobbiamo temere di lasciare a Dio il timone della nostra barca.

EN: Saint Joseph teaches us that, in the midst of life's tempests, we must never be afraid to let the Lord steer our course.