പാപ്പായുടെ ആശംസകൾ ബെയ്ജിംഗ് ശീതകാല ഒളിമ്പിക് കായികമേളയ്ക്ക്!

ജോയി കരിവേലി, വത്തിക്കാൻ സിറ്റി

ഒളിമ്പിക്-പാരലിമ്പിക് കായിക മാമാങ്കത്തിന് മാർപ്പാപ്പായുടെ ആശംസകൾ.

ശീതകാല ഒളിമ്പിക്, പാരാലിമ്പിക് മത്സരങ്ങൾ യഥാക്രമം ഫെബ്രുവരി 4, മാർച്ച് 4 തീയതികളിൽ ബെയ്ജിംഗിൽ ആരംഭിക്കുന്നതിനോടനുബന്ധിച്ച് വ്യാഴാഴ്‌ച (03/02/22) കണ്ണിചേർത്ത ട്വിറ്റർ സന്ദേശത്തിലാണ് ഫ്രാൻസീസ് പാപ്പായുടെ ആശംസയുള്ളത്.

“മഹത്തായ ഒളിമ്പിക്, പാരാലിമ്പിക് കുടുംബത്തിന് മാനവ സാഹോദര്യത്തിൻറെയും ശാന്തിയുടെയും അതുല്യമായ അനുഭവം ജീവിക്കാൻ കഴിയട്ടെയെന്ന് ഞാൻ ആശംസിക്കുന്നു. ഈ കായികമത്സരങ്ങൾ മുൻവിധികളെയും ഭയങ്ങളെയും അതിജീവിക്കാനും നമ്മുടെ സമൂഹങ്ങളെ കൂടുതൽ സ്വാഗതം ചെയ്യുന്നതും സകലരെയും ഉൾക്കൊള്ളുന്നതുമാക്കിത്തീർക്കാനും  എല്ലാവരെയും സഹായിക്കുന്നു.”

വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍, ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

IT: Alla grande famiglia olimpica e paralimpica auguro di vivere un’esperienza unica di fratellanza umana e di pace che aiuti tutti a superare pregiudizi e timori e a far diventare le nostre comunità più accoglienti e inclusive.

EN: I wish the great Olympic and Paralympic family a unique experience of human fraternity and peace. May the Games help everyone overcome prejudices and fears and make our communities more welcoming and inclusive.