തിരയുക

Vatican News
കോവിദ് 19 രോഗത്തിന്‍റെ പിടിയില്‍ കോവിദ് 19 രോഗത്തിന്‍റെ പിടിയില്‍  (AFP or licensors)

അസമാനതകളും അതിരുകളുമില്ലാത്ത സഹനം!

ഫ്രാന്‍സീസ് പാപ്പായുടെ ട്വിറ്റര്‍ സന്ദേശം!

ജോയി കരിവേലി, വത്തിക്കാന്‍ സിറ്റി

യാതനകള്‍ അനുഭവിക്കുന്നവര്‍ തമ്മില്‍ വിത്യാസമൊ അവര്‍ക്കിടയില്‍ അതിരുകളൊ ഇല്ലെന്ന് കോവിദ് 19 മഹാമാരി നമ്മെ ഓര്‍മ്മപ്പെടുത്തുന്നുവെന്ന് മാര്‍പ്പാപ്പാ.

നൂറ്റിയൊമ്പതാം അന്താരാഷ്ട്ര തൊഴില്‍ സമ്മേളനത്തോടനുബന്ധിച്ച് വ്യാഴാഴ്ച (17/06/21)  

പ്രസ്തുത സമ്മേളനത്തിനു നല്കിയ വീഡിയൊസന്ദേശത്തില്‍ നിന്ന് അടര്‍ത്തിയെടുത്ത് അന്ന് ഐഎല്‍സി2021 (#ILC2021-അന്താരാഷ്ട്രതൊഴില്‍സമ്മേളനം) എന്ന ഹാഷ്‌ടാഗോടുകൂടി  ട്വിറ്ററില്‍ കണ്ണിചേര്‍ത്ത സന്ദേശത്തിലാണ് ഫ്രാന്‍സീസ് പാപ്പായുടെ ഈ പ്രസ്താവനയുള്ളത്. 

“യാതനകളനുഭവിക്കുന്നവർ തമ്മിൽ വ്യത്യാസങ്ങളോ അതിരുകളോ ഇല്ലെന്ന് ഇന്നത്തെ മഹാമാരി നമ്മെ ഓർമ്മിപ്പിക്കുന്നു. അസമത്വങ്ങൾ ഇല്ലാതാക്കാനും മാനവകുടുംബം മുഴുവന്‍റെയും ആരോഗ്യത്തെ തകർക്കുന്ന അനീതിക്ക് പരിഹാരം കാണാനുമുള്ള സമയം സമാഗതമായി” എന്നാണ് പാപ്പാ ട്വിറ്ററില്‍ കുറിച്ചിരിക്കുന്നത്.

വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍ ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

IT: L’attuale pandemia ci ha ricordato che non ci sono differenze né confini tra quanti soffrono. È giunto il momento di eliminare le disuguaglianze, di curare l’ingiustizia che sta minando la salute dell’intera famiglia umana. #ILC2021

 

18 June 2021, 12:45