മാമ്മോദീസാ വഴി നാം ദൈവത്തിന്‍റെ പ്രിയ മക്കളായിത്തീരുന്നു!
ജോയി കരിവേലി, വത്തിക്കാന്‍ സിറ്റി
യേശുവിന്‍റെ ജ്ഞാനസ്നാനത്തിരുന്നാളില്‍ നമ്മുടെ മാമ്മോദീസാ നാം കണ്ടെത്തുന്നുവെന്ന് മാര്‍പ്പാപ്പാ.
യേശുവിന്‍റെ ജ്ഞാനസ്നാനത്തിരുന്നാള്‍ ദിനമായിരുന്ന ഞായറാഴ്ച (12/01/20) “കര്‍ത്താവിന്‍റെമാമ്മോദീസാ" (BaptismoftheLord#) എന്ന ഹാഷ്ടാഗോടുകൂടി കണ്ണിചേര്‍ത്ത ട്വിറ്റര്‍ സന്ദേശത്തിലാണ് ഫ്രാന്‍സീസ് പാപ്പായുടെ ഈ ഉദ്ബോധനമുള്ളത്.
“കര്‍ത്താവിന്‍റെ ജ്ഞാനസ്നാനത്തിരുന്നാളില്‍ നാം നമ്മുടെ മാമ്മോദീസാ വീണ്ടും കണ്ടെത്തുകയാണ്. യേശു പിതാവിന്‍റെ പ്രിയപുത്രനായിരിക്കുന്നതുപോലെ നമ്മളും ജലത്തിനാലും പരിശുദ്ധാത്മാവിനാലും വീണ്ടും ജനിക്കുക വഴി നാം ദൈവത്തിന്‍റെ പ്രിയമക്കളും മറ്റനേകം സഹോദരീസഹോദരന്മാര്‍ക്കിടയില്‍ സഹോദരീസഹോദരങ്ങളുമാണെന്ന് നമുക്കറിയാം ” എന്നാണ് പാപ്പാ ട്വിറ്ററില്‍ കുറിച്ചിരിക്കുന്നത്.
വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍ ഇറ്റാലിയന്‍, ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.
