മോൺ. ഡെറക് ഫെർണാണ്ടസിനെ ബെൽഗാം രൂപതയുടെ മെത്രാനായി നിയമിച്ചു

സി.റൂബിനി സി.റ്റി.സി, വത്തിക്കാന്‍ സിറ്റി

1954 മെയ് 14 നു ജനിച്ച അദ്ദേഹം 1979 മെയ് 5 നു വൈദീകപട്ടം സ്വീകരിച്ചു. ബെനഡിക്ട് പാപ്പാ അദ്ദേഹത്തെ 2007 ഫെബ്രുവരി മാസം 24 ആം തിയതി കാർവാർ രൂപതയുടെ മെത്രാനായി നിയമിച്ചു. മോൺ. ഡെറക് ഫെർണാണ്ടസ് 2007 ഏപ്രിൽ 20 നാണു  മെത്രാനായി അഭിഷിക്തനായത്.

ഗോവ അതിരൂപതയുടെ വിഭജനത്തിൽ 1963  ൽ സ്ഥാപിതമായ ബെൽഗാം രൂപതയിലേക്കാണ് അദ്ദേഹം ഇപ്പോൾ നിയമിതനായിരിക്കുന്നത്. 44216 ചതുരശ്ര കി.മീ. വിസ്തൃതമായ രൂപത കർണാടക - മഹാരാഷ്ട്ര സംസ്ഥാനങ്ങളിലായി വ്യാപിച്ചു കിടക്കുന്നു.