Ватикан го олесна добивањето на потполн опрост за покојните

Многу духовници овие денови се обратија во Апостолската милостилница со молба за овозможување на потполн опрост за покојните и таму каде што тоа за Сите светии и за Задушница не е можно заради епидемиолошкит мерки.

Бидејќи верниците традиционално за тие празници се собираат на гробиштата и на свети Литургии задушници, а може да биде ограничено, Апостолската милостилница со декрет овозможува потполн опрост за покојните да може да се добие во текот на цел месец ноември, а не само како што е вообичаено во осмината, од 1 до 8 ноември. Покрај тоа верниците можат сами да одлучат кога ќе ќе ги исполнат условите како што се посета на гробиштата, учествување на света Литургија, молитва Оче наш и Символ на верата, светата Тајна Помирување и Причест и молитва по накана на Светиот Отец.

Свештениците пак се повикуваат на великодушност во Светата тајна Исповед и Причест на болните и на славење на три свети Литургии на 1 ноември, на празникот на Сите светии