Որոնել

Vatican News
Շուշիի Ղազանչեցոց եկեղեցին Շուշիի Ղազանչեցոց եկեղեցին  

Ազրպէյճանցիները կ՛ոչնչացնեն Շուշիի շէնքերը` փորձելով խեղաթիւրել քաղաքին պատմութիւնը

Թշնամին գետնին հաւասարեցուցած է եւ կը շարունակէ հաւասարեցնել քաղաքի բազմաբնակարան շէնքերը

Ռուսական RBK պատկերասփիւռի կայանը հրապարակեց լուսանկար մը, որուն մէջ յստակ կերպով կ՛երեւի, թէ ի՛նչ վիճակի մէջ է նոյեմբերին դաւադրաբար թշնամիին յանձնուած հայոց բերդաքաղաք Շուշին:

Աւելի կանուխ արդէն պարզ դարձած էր, որ թշնամին ոչնչացուցած է Շուշիի Կանաչ ժամ եկեղեցին, իսկ հրթիռակոծուած Ղազանչեցոց եկեղեցւոյ մէջ սկսած են եկեղեցւոյ արտաքինի եւ հայկական նկարագիրի փոփոխութեան աշխատանքները:

Ռուսական պատկերասփիւռի կայանի լուսանկարին մէջ կ՛երեւի, թէ ինչպիսի՛ աւերածութիւններ կը կատարուին ազրպէյճանցիներուն բռնագրաւած Շուշի քաղաքին մէջ. թշնամին գետնին հաւասարեցուցած է եւ կը շարունակէ հաւասարեցնել քաղաքի բազմաբնակարան շէնքերը:

Քաղուած «Ազդակ» էն

28/07/2021, 08:00