Որոնել

Vatican News
Նախագահ Արմէն Սարգսեան Նախագահ Արմէն Սարգսեան 

Նախագահ Արմէն Սարգսեան Եռաբլուր զինուորական Պանթէոնին մէջ յարգանքի տուրք մատուցեց Արցախի պատերազմի նահատակներուն յիշատակին

Շատ դժուար օրեր են: Յոյս ունիմ, որ 2020-ի աւարտին հետ մենք պիտի փակենք ողբերգական ու դժբախտ էջը եւ պիտի կարենանք ոտքի կանգնիլ, նոր էջ բանալ:

Հայաստանի Հանրապետութեան նախագահ Արմէն Սարգսեան երէկ` կիրակի, 20 դեկտեմբերին այցելած է Եռաբլուր զինուորական պանթէոն:

Հանրապետութեան նախագահը եւ նախագահի աշխատակազմը յարգանքի տուրք մատուցած են արցախեան ազատամարտին իրենց կեանքը հայրենիքի պաշտպանութեան համար զոհաբերած հերոսներու յիշատակին, ծաղիկներ զետեղած անոնց գերեզմաններուն:

Նախագահ Սարգսեան իր խօսքին մէջ մասնաւորապէս նշած է. «Շատ դժուար օրեր են: Յոյս ունիմ, որ 2020-ի աւարտին հետ մենք պիտի փակենք ողբերգական ու դժբախտ էջը եւ պիտի կարենանք ոտքի կանգնիլ, նոր էջ բանալ: Միակ բանը, որ պիտի յիշենք 2020-էն, սուրբ յիշատակն է այն մարդոց, որոնք իրենց կեանքը տուին հայրենիքը պաշտպանելու համար: Բոլոր դժբախտութիւնները պէտք է դասեր ըլլան, այլ ոչ թէ ցաւոտ յիշողութիւններ:

Պէտք է նորէն սկսինք մեր կեանքը: Անհամբեր կը սպասեմ այս տարուան աւարտին»:

Քաղուած «Ազդակ» էն

21/12/2020, 10:49