Որոնել

Vatican News
Նաշվիլի պայթումի հետեւանքները Նաշվիլի պայթումի հետեւանքները  (AFP or licensors)

Հետաքննիչները հաւանական կը նկատեն, որ Նաշվիլի պայթումը անձնասպանական գործողութիւն էր

Նաշվիլի քաղաքապետը յայտնած էր, որ տեղեկութիւններու համաձայն, պայթումը ականի օգտագործումով դիտաւորեալ արարք մըն է` աւելցնելով, որ ատոր նպատակը «տօնական շրջանին քաոս ստեղծել»-ն էր:

Ամերիկացի հետաքննիչներու կարծիքով` Նաշվիլի մէջ արձանագրուած պայթումը անձնասպանական գործողութիւն էր: Այս մասին կը հաղորդէ «Սի.Էն.Էն.» պատկերասփիւռի կայանը:

Ոստիկանութեան ու «Էֆ.Պի.Այ.»-ի անդամները Նաշվիլ քաղաքին մէջ կը փնտռեն փաստեր` ճշդելու համար, թէ փոխադրելի տուն մը ինչպէ՞ս եւ ինչո՞ւ պայթեցաւ` վիրաւորելով երեք անձեր եւ տասնեակ շէնքեր վնասելով:

Նաշվիլի քաղաքապետը յայտնած էր, որ տեղեկութիւններու համաձայն, պայթումը ականի օգտագործումով դիտաւորեալ արարք մըն է` աւելցնելով, որ ատոր նպատակը «տօնական շրջանին քաոս ստեղծել»-ն էր:

Յայտնենք, որ պայթումը տեղի ունեցած էր կաթողիկէ Ս. Ծնունդի օրը: Քաղաքի իշխանութիւնները արտակարգ դրութիւն եւ կրակմար յայտարարեցին, ինչպէս նաեւ քաղաքին վերեւ թռիչքները արգիլեցին` քաղաքին մէջ ապահովութիւն հաստատելու համար:

Քաղուած «Ազդակ» էն

28/12/2021, 07:00