Որոնել

Vatican News
 ապօրինի գաղթականներ փոխադրող բեռնակառք ապօրինի գաղթականներ փոխադրող բեռնակառք 

Աւստրիական ոստիկանութիւնը կը ձերբակալէ Սուրիայէն, Իրաքէն եւ Թուրքիայէն 38 ապօրինի գաղթականներ փոխադրող բեռնակառքի վարորդը

«Գաղթականները յայտնեցին, որ մահէն կը վախնային ճամբորդութեան ընթացքին` թթուածինի նուազումին պատճառով, եւ կրցած են բեռնակառքը կանգնեցնել»

Աւստրիական ոստիկանութիւնը յայտարարեց, որ ձերբակալած է վարորդը սառնարան-բեռնակառքի մը, որուն մէջ կը գտնուէին 38 ապօրինի սուրիացի, իրաքցի եւ թուրք գաղթականներ, ներառեալ` 6 երեխաներ, որոնք իրարու վրայ դիզուած էին առանց օդ շնչելու բացուածքի:

Ունկնդրէ լուրը

Ոստիկանութիւնը նշեց, որ բեռնակառքը յայտնաբերած է մայրուղիի մը եզրին:

«Գաղթականները յայտնեցին, որ մահէն կը վախնային ճամբորդութեան ընթացքին` թթուածինի նուազումին պատճառով, եւ կրցած են բեռնակառքը կանգնեցնել», նշեց աւստրիական ոստիկանութիւնը` աւելցնելով, որ երբ բեռնակառքը կանգ առած է, կարգ մը գաղթականներ առիթը օգտագործած են փախուստ տալու: Փախուստ տուած է նաեւ բեռնակառքի վարորդը` 51 տարեկան թուրք մը, որ Ռումանիա կը բնակի:

Ոստիկանութիւնը յայտնեց, որ բեռնակառքին մասին տեղեկութիւն ստացած է, ուստի անմիջապէս ուղղաթիռ մը ուղարկած է եւ յաջողած ձերբակալել վարորդը, որ իշխանութիւններուն կարծիքով` կ՛աշխատի մարդոց մաքսանենգման ցանցի մը մէջ:

«Գաղթականները բեռնակառք բարձրացան Ռումանիոյ մէջ վճարելէ ետք 6-էն 8 հազար եւրօ: Այդ գումարը անոնցմէ իւրաքանչիւրը վճարեց Ռումանիան Հունգարիայէն բաժնող Եւրոպական Միութեան արտաքին սահմանը անցնելու եւ Աւստրիոյ ճամբով Արեւմտեան Եւրոպա հասնելու համար», հաղորդեց աւստրիական ոստիկանութիւնը:

Քաղուած «Ազդակ»էն

19/09/2020, 09:34