Որոնել

Vatican News
Հայկական Խաչքար Հայկական Խաչքար 

Անգարայի մէջ Հայկական գերեզմանատունը կը պղծուի

Անգարայի Սինճան շրջանին մէջ գտնուող հայկական Սուրբ Փրկիչ եւ Ս. Քառասուն մանուկ եկեղեցիներուն պատկանող հայկական գերեզմաննոցը աւերած են:

ԵՐԵՒԱՆ, «Էրմէնիհապեր».- Թուրքիոյ մայրաքաղաք Անգարայի Սինճան շրջանին մէջ գտնուող հայկական Սուրբ Փրկիչ եւ Ս. Քառասուն մանուկ եկեղեցիներուն պատկանող հայկական գերեզմաննոցը աւերած են:

Նախկին փոխվարչապետ Ալի Պապաճանի կողմէ հիմնադրուած «Ժողովրդավարութիւն եւ յառաջընթաց» կուսակցութեան փոխնախագահ Մուսթաֆա Եէներօղլու այս հարցին առիթով դիմեց Անգարայի քաղաքապետ Մանսուր Եաւաշին:

Ան յայտնեց, որ գերեզմաննոցին մէջ աճիւնները դուրս հանուած են գերեզմաններէն եւ ամէնուր ցրուած են մարդկային ոսկորներ:

Եէներօղլու շեշտեց, որ ասիկա ամօթալի վիճակ է եւ պէտք է անմիջապէս աճիւնները վերաթաղել եւ կարգի բերել գերեզմաննոցը:

Անգարայի քաղաքապետը խոստացած է հարցը հետապնել:

Քաղուած «Ազդակ» էն

14/08/2020, 10:52