Հայաստանի Նախագահ. «Խոնարհումս իրենց կեանքը հայրենիքին ու ժողովուրդին նուիրաբերած բոլոր հերոսներու յիշատակին»։

Հայաստանի Հանրապետութեան նախագահ Արմէն Սարգսեան իր խոնարհումը կը յայտնէ հայ-ազրպէյճանական սահմանագօտիին վրայ հայրենիքին համար զոհուած զինուորներու յիշատակին: Հայաստանի նախագահի աշխատակազմի դիմատետրի պաշտօնական էջին վրայ կը կարդանք.

«Հայրենիք, պատիւ, նուիրուածութիւն. մեր կամաւորի, զինուորի, սպայի, հրամանատարի նշանաբանը բոլոր ժամանակներուն:

Խոնարհումս իրենց կեանքը հայրենիքին ու ժողովուրդին նուիրաբերած բոլոր հերոսներու յիշատակին:

Յաւերժ փառք ձեզ` հազարապետ Գարուշ Համբարձումեան եւ քափիթեն Սօս Էլբակեան:

Նախագահ Արմէն Սարգսեան»:

Քաղուած «Ազդակ»էն։