Որոնել

Vatican News
«Քորոնա» Ժահրը Հայաստանի եւ Արցախի մէջ «Քորոնա» Ժահրը Հայաստանի եւ Արցախի մէջ  (AFP or licensors)

«Քորոնա» Ժահրը Հայաստանի եւ Արցախի մէջ

Հայաստանի մէջ «Քորոնա» ժահրի հաստատուած դէպքերուն թիւը հասաւ 1039-ի: Առողջացածներուն ընդհանուր թիւը 211 է, մահացածներունը` 14:

Հայկական միասնական տեղեկատուական կեդրոնը կը տեղեկացնէ, թէ  13 ապրիլին Հայաստանի մէջ արձանագրուեցաւ «Քորոնա» ժահրով վարակուածներու 26 նոր դէպք, առողջացած է 14 քաղաքացի: Այսպիսով, Հայաստանի մէջ «Քորոնա» ժահրի հաստատուած դէպքերուն թիւը հասաւ 1039-ի: Առողջացածներուն ընդհանուր թիւը 211 է, մահացածներունը` 14:

Ունկնդրէ լուրը

Միւս կողմէ, Արցախի Հանրապետութեան առողջապահութեան նախարարութիւնը յայտնեց, որ Արցախի մէջ «Քորոնա»-ի նոր քննութիւններ չեն կատարուիր: 13 ապրիլի դրութեամբ արձանագրուած է վարակման 6 դէպք:

Աւելի ուշ, Հայաստանի զինուած ուժերու զինուորաբժշկական վարչութեան պետ Սահակ Օհանեան մամլոյ ասուլիսի մը ընթացքին յայտնեց, որ Հայաստանի մէջ «Քորոնա» ժահրով վարակուած զինուորներէն 6-ն ապաքինած են եւ վերադարձած ծառայութեան: Սահակ Օհանեան աւելցուց, որ ներկայ դրութեամբ «Քորոնա» ժահրէն բուժում ստացող զինուորներուն թիւը չնչին է:

Քաղուած «Ազդակ» էն

14/04/2020, 08:00