Որոնել

Vatican News
Ռայի Պատրիարք Ռայի Պատրիարք 

«Մենք կարիքը ունինք մեր ազգային միասնականութեան Եւ ժողովրդային պահանջներուն գործադրութեան» շեշտեց Ռայի Պատրիարք

Ռայի պատրիարքը կոչ ուղղեց լիբանանցի քաղաքական անձնաւորութիւններուն, կուսակցութիւններու ղեկավարներուն եւ երեսփոխանական պլոքներու նախագահներուն` հեռու մնալու երկփեղկումէ եւ իրարու հանդէպ լարուելէ

Մարոնի համայնքի Պշարա Ռայի պատրիարքը Հռոմի մէջ մատուցեց Ս. պատարագ մը` նուիրուած Լիբանանին:

Ան մաղթեց, որ Լիբանանի նոր կառավարութիւնը կարենայ հոգալ քաղաքացիներուն կարիքները, որոնք դրսեւորուեցան ժողովրդային շարժումին ներկայացուցած պահանջներով, որոնք մինչեւ օրս կը մնան արդարացի:

Ունկնդրէ լուրը

Ռայի պատրիարքը հաստատեց, որ իրենք կը զօրակցին ժողովուրդին արդար պահանջներուն եւ անհրաժեշտ կը գտնեն, որ կառավարութիւնը մշակէ աշխատանքային լուրջ ծրագիր մը` փրկելու համար երկիրը, իր դիմագրաւած տնտեսական ու ելեւմտական տագնապէն:

Ռայի պատրիարքը կոչ ուղղեց լիբանանցի քաղաքական անձնաւորութիւններուն, կուսակցութիւններու ղեկավարներուն եւ երեսփոխանական պլոքներու նախագահներուն` հեռու մնալու երկփեղկումէ եւ իրարու հանդէպ լարուելէ: «Մենք կարիքը ունինք մեր ազգային միասնականութեան», ըսաւ ան` հաստատելով, որ այս կոչը ինքնին աղօթք է:

Ռայի պատրիարքը ընդգծեց, որ լիբանանեան քաղաքական բոլոր կուսակցութիւնները պէտք է աշխատին Լիբանանի ազգային միասնականութեան ի խնդիր, որովհետեւ ժողովրդային ինթիֆատան պայթած էր լիբանանեան բոլոր շրջաններէն, բոլոր համայնքներէն, բոլոր կուսակցութիւններէն եւ բոլոր գոյներէն:

Ռայի պատրիարքը յոյս յայտնեց, որ Լիբանանի քաղաքական անձնաւորութիւնները գործեն միասնականութեան եւ եղբայրութեան սկզբունքներով` փրկելու համար Լիբանանն ու լիբանանցիները:

Քաղուած «Ազդակ» էն

17/02/2020, 08:18