Որոնել

Vatican News
Մանուկներ Մանուկներ 

Լիպիայի մէջ 5 դպրոցներ կործանուած են ու այլ 210ն փակուած։ 115 հազար մանուկներ կը մնան առանց կրթութեան։

Ուսմունքը հիմնական իրաւունք է իւրաքանչիւր մանուկի համար ու դպրոցական կառոյցներու վրայ յարձակումները այդ իրաւունքի ծանր խախտում են

Ռոպէր Աթթարեան - Վատիկան

«Թրիբոլիի ու անոր շրջակայ քաղաքներուն մէջ բռնութիւններու աճը ծանր հետեւանքներ ունի մանուկներու ու պատանիներու ուսման ու կրթութեան վրայ. 5 դպրոցներ կործանուած են ու այլ 210ն փակուած, մինչ 115 մանուկներ կը մնան դպրոցներէ դուրս ու զուրկ են կրթութենէ» այս կը կարդանք ԻՒՆՒՍԷՖի հրապարակած մէկ հաղորդագրութեան մը մէջ ուր նշուած է նաեւ որ. «վերջին օրերուն դպրոցական կառոյցներուն դէմ գործադրուած յարձակումները, ծնողները կը մղեն իրենց զաւակները դպրոց չուղարկելու ու պատանիները կը դնեն բռնութեան ու հակամարտութիւններու համար զինուորագրուելու սպառնալիքին տակ»։

«Ուսմունքը հիմնական իրաւունք է իւրաքանչիւր մանուկի համար ու դպրոցական կառոյցներու վրայ  յարձակումները այդ իրաւունքի ծանր խախտում են ու  խախտում են նաեւ մարդկային միջազգային իրաւունքներուն» գրուած է միշտ վերոնշեալ հաղորդագրութեան մէջ որուն աւարտին ԻՒՆԻՍԷՖԸ Լիպիայի մէջ հակամարտող կողմերուն կոչ կ՛ուղղէ պաշտպանելու մանուկները ու կասեցնելու դպրոցական կառոյցներուն դէմ բոլոր  յարձակումները, զերծ մնալով բռնութեան արարքներէն։

07/01/2020, 12:28