Որոնել

Vatican News
 Կոմիտաս Կոմիտաս 

Կ․Պոլսոյ Մէջ Կոմիտասի 150-ամեակին նուիրուած համերգ

Համերգին կազմակերպիչներն են «Անատոլու Քիւլթիւր» հասարակական կազմակերպութիւնը, «Քալան Միւզիք» ընկերութիւնը եւ «Մաքսիմ Գորկի» անունը կրող թատրոնը։

Հոկտեմբեր 7-ին, Կ․Պոլսոյ «Ճեմալ Ռեշիտ Ռէյ» համերգասրահին մէջ պիտի կազմակերպուի համերգ՝ Կոմիտասի 150-ամեակին առիթով։ Այս մասին կը  հաղորդէ Akunq.net-ը՝ վկայակոչելով թրքական Kulturservisi.com լրատուամիջոցը։

Համերգին կազմակերպիչներն են «Անատոլու Քիւլթիւր» հասարակական կազմակերպութիւնը, «Քալան Միւզիք» ընկերութիւնը եւ «Մաքսիմ Գորկի» անունը կրող թատրոնը։

«Լուսաշող արեւածագի ձայնը․ Կոմիտասի 150-ամեակը» խորագիրը կրող սոյն ձեռնարկին մասին հրապարակումով հանդէս եկած թրքական լրատուամիջոցը համառօտ կերպով կ՝անդրադառնայ նաեւ Կոմիտասի կեանքին՝ չմոռնալով ընդգծել, որ Կոմիտասը եղած է նաեւ Հայոց Ցեղասպանութեան ականատեսը։

Համերգէն առաջ տեղի պիտի ունենայ Կոմիտասին նուիրուած ցուցահանդէսին բացումը, որուն կազմակերպիչն է «Բիրզամանլար» հրատարակչութիւնը։ Նոյն ձեռնարկին ծիրէն ներս պիտի կայանայ նաեւ «Խենթութեան հնագիտութիւնը՝ Կոմիտաս․ հայ սուրբի մը դիմանկարը» գիրքին շնորհանդէսը։

Քաղուած Եռագոյնէն 

25/09/2019, 08:30