Հանրութեան առջեւ դարձեալ պիտի փակուին Վատիկանի թանգարաններն ու պեղումներու գրասենեակը։ Սուրբ Աթոռի մամլոյ գրասենեակի յայտարարութիւնը։

Վազգէն Աբարդեան - Վատիկան

Չորեքշաբթի, 4 նոյեմբերին, Սուրբ Աթոռի մամլոյ գրասենեակը հաղորդագրութեամբ մը տեղեկացուց ,թէ Քովիտ 19ին պատճառաւ, եւ որպէս նախազգուշական միջոց Վատիկանի թանգարանները հանրութեան առջեւ փակ պիտի մնան 5 նոյեմբերէն մինչեւ 3 դեկտեմբեր 2020։

Սուրբ Աթոռի մամլոյ գրասենեակի հրապարակած յայտարարութեան մէջ նշուած է.

«Իտալիոյ քաղաքական իշխանութիւններուն կողմէ ձեռնարկուած միջոցառումներու կարգաւորումով, առողջապահական կացութիւնը դիմագրաւելու համար , ուրբաթ , 5 նոյեմբերէն մինչեւ 3 դեկտեմբեր որպէս նախազգուշական միջոց հանրութեան առջեւ փակ պիտի մնան Վատիկանի Թանգարանները, Քահանայապետական պալատներու թանգարաններն ու  պեղումներու գրասենեակը։»