Որոնել

Vatican News
Սուրբ Աթոռի Ֆինանսական հետախուզութեան մարմին Սուրբ Աթոռի Ֆինանսական հետախուզութեան մարմին  (Vatican Media)

Ֆինանսական հետախուզութեան մարմնի նախագահը աւարտեց իր պաշտօնը։

Սուրբ Աթոռի Ֆինանսական հետախուզութեան մարմինը ստեղծուած է 2010 թուականին Պենետիկտոս ԺԶ Քահանայապետի օրով

Ռոպէր Աթթարեան - Վատիկան

Երկուշաբթի 18 նոյեմբերին Սուրբ Աթոռի մամլոյ գրասենեակի հրապարակած մէկ հաղորդագրութեամբ տեղեկացուեցաւ թէ Ֆրանչկիսկոս Պապը ի տես Ֆինանսական հետախուզութեան մարմնի նախագահ՝ Ռընէ Պրուելարթի պաշտօնի աւարտին, շնորհակալութիւն յայտնելով անոր այս տարիներուն մատուցած ծառայութիւններուն համար, անոր տեղ նշանակած է միջազգային համբաւ ունեցող նոր նախագահ, որուն անունը պիտի յայտարարուի Քահանայապետին Թայլընտ եւ Ճափոն կատարելիք առաքելական ճամբորդութենէն ետք։

Ունկնդրէ լուրը

Սոյն անուանումի յետաձգելիութիւնը կախեալ է այժմու նախագահի ազգային ու միջազգային գետնի վրայ պաշտօնական մի քանի գործունէութիւնները իրենց աւարտին հասցնելու հարցին հետ։

 Սուրբ Աթոռի Ֆինանսական հետախուզութեան մարմինը ստեղծուած է 2010 թուականին Պենետիկտոս ԺԶ Քահանայապետի օրով։ Անոր գործունէութիւնը ամրապնդուած  է ապա Ֆրանչիսկոս Պապին օրով։ Հաստատութեան պարտականութիւնն է նախ ֆինանսական տեղեկատուութիւն մատուցել ապա հսկել՝ կանխարգիլելու ու հակազդելու ու պայքարելու դրամի լուացումի ու ահաբեկչութեան ֆինանսաւորումին դէմ։

19/11/2019, 09:06