Որոնել

Vatican News
Սուրբ Պետրոսի Տաճարը Սուրբ Պետրոսի Տաճարը 

Համաձայնագիր Սուրբ Աթոռի եւ Քոնկոյի հանրապետութեան միջեւ

Չորեքշաբթի, յուլիս 3ին, Վատիկանի Առաքելական Պալատին մէջ, կատարուեցաւ համաձայնագրի վաւերացման փաստաթուղթերու փոխանակումը։

Վազգէն Աբարդեան - Վատիկան

2017 թուականի փետրուարի 3ին, Պրազավիլլի մէջ, համաձայնագիր մը ստորագրուած էր Սուրբ Աթոռի եւ Քոնկոյի հանրապետութեան միջեւ։ Համաձայնագիրը որ այժմ ի զօրու է, կ՚երաշխաւորէ Եկեղեցւոյ՝ իր առաքելութիւնը կատարելու կարելիութիւնը Քոնկոյի մէջ։
Չորեքշաբթի, յուլիս 3ին, Վատիկանի Առաքելական Պալատին մէջ, կատարուեցաւ համաձայնագրի վաւերացման փաստաթուղթերու փոխանակումը։ Ներկայ գտնուեցան Վատիկանի Պետական Քարտուղար՝ Կարդինալ Փիեթրօ Փարօլին, պետութիւններու հետ յարաբերութիւններու քարտուղար՝ Գերպ. Փօլ Ռիչըրտ Կալլակըր, Քոնկոյի արտաքին գործերու նախարար՝ Ժան-Քլօտ Կաքոսսօ։
Համաձայնագիրը ըստ 18րդ յօդուածի ի զօրու է այս օրուանէ սկսեալ։ Ըստ համաձայնագրի, Եկեղեցին իր հաստատութիւններով կը ճանչցուի իբր իրաւական անձ։ Երկու կողմերն ալ, պահպանելով իրենց սեփական անկախութիւնը եւ ինքնավարութիւնը, յանձնառու են համագործակցելու մարդու հոգեւոր եւ նիւթական բարեկեցութեան եւ հասարակաց բարիքին ի շահ, յարգելով մարդկային անհատի արժանապատուութիւնը եւ իրաւունքները։
 

03/07/2019, 11:04