Որոնել

Vatican News
Ֆրանչիսկոս Պապ եւ Նախագահ Մաքրոն Ֆրանչիսկոս Պապ եւ Նախագահ Մաքրոն  (Vatican Media)

Հեռախօսազրոյց ֆրանչիսկոս Պապի եւ Ֆրանսայի նախագահին միջեւ

Քննարկումի նիւթ եղած է ֆրանչիսկոս Պապին Իրաք կատարած առաքելական այցելութիւնը ինչպէս նաեւ Քովիտ 19 համաճարակին մարտահրաւէրները

Վազգէն Աբարդեան - Վատիկան

Կիրակի 21 մարտին, նախաձեռնութեամբ նախագահ Էմմանուէլ Մաքրոնի, հեռաձայնային կապ հաստատուած է Ֆրանչիսկոս Պապին եւ Ֆրանսայի հանրապետութեան նախագահին միջեւ։ ,

Ունկնդրէ լուրը

Զրոյցի ընթացքին, որ յաջորդեց Նախագահ Մաքրոնի  կողմէ Ֆրանչիսկոս Պապին  քահանայապետ ընտրութեան 8-րդ տարեդարձին առիթով յղած մէկ պատգամին, քննարկումի նիւթ եղան, Ֆրանչիսկոս Պապին Իրաք կատարած առաքելական ճամբորդութիւնը, աշխարհ յուզող հարցերը, ինչպէս նաեւ Քովիտ 19 համաճարակի  կապուած մարտահրաւէրները։ 

Յայտնենք, թէ Քովիտ 19 համաճարակի սկիզբէն ի վեր, ֆրանչիսկոս Պապ միշտ հրաւիրած է մտածել համաճարակէն ետք եկող աշխարհի մասին եւ այս առնչութեամբ Ան 20 մարտ 2020ին, հիմնեց Քովիտ19 Վատիկանեան յատուկ յանձնախումբ  մը, որ մաս ենթարկուած է Մարդկային համապարփակ զարգացումի ի սպաս ծառայութեան ժողովին։

Առաջին անգամ չէ, որ հեռաձայնային  կապ կը հաստատուի  ֆրանչիսկոս Պապին եւ ֆրանսայի նախագահին  միջեւ։ Այլ մէկ հեռախօսազրոյց մը տեղի ունեցած է նաեւ անցեալ 30 հոկտեմբերին, Նիսի Տիրամօր տաճարին դէմ կատարուած ահաբեկչական արարքէն ետք։ Ֆրանսայի հանրապետութեան նախագահը հուսկ Քահանայապետին հետ առանձնական հանդիպում ունեցած էր նաեւ 26 յունիս 2018ին Վատիկանի մէջ։

22/03/2021, 15:00