Որոնել

Vatican News
 Մարդավաճառութեան  դէմ պայքարի միջազգային օր Մարդավաճառութեան դէմ պայքարի միջազգային օր 

Մարդավաճառութեան ախտին դէմ պայքարող՝ «Տալիտա Քում» ցանցին ի նպատս դրամահաւաք։

Դրամահաւաքին բացումը կատարեց նոյնինքն Ֆրանչիսկոս Պապը

Ռոպէր Աթթարեան - Վատիկան

Մարդավաճառութեան դէմ աղօթքի եւ խոկումի միջազգային 6-րդ օրուան առթիւ  «Տալիտա Քում» մարդավաճառութեան դէմ պայքարող  կրօնաւորական կեանքի միջազգային ցանցը սկիզբ տուաւ  ցանցային դրամահաւաքի մը, որուն բացումը կատարեց նոյնինքն Ֆրանչիսկոս Պապը, առաքելական պալատի մատենադարանին մէջ, ի ներկայութեան Տալիտա Քում ցանցի պատասխանատուներուն ու այլ հիմնարկներու ներկայացուցիչներուն։

Խթանելու համար աղօթքի կարեւորութիւնը ու միասնաբար գործելու ու պայքարելու համար մարդավաճառութեան ոճիրին դէմ, ընկերային ցանցերու վրայ կը տարածուի #PrayAgainstTrafficking «հաշթակը» որուն միջոցաւ կարելի է կիսել մտորումներ ու զանազան արարողութիւններու ու հաւաքներու կարեւոր եւ իմաստալից պահեր։

Մարդավաճառութեան դէմ աղօթքի եւ խոկումի միջազգային 6-րդ օրուան առթիւ  հրապարակած մէկ թուիթին մէջ Նորին Սրբութիւնը կը հրաւիրէ աղօթել. «որպէսզի մարդավաճառութեան թիրախ բոլոր անձերը կարողանան ապրիլ ստրկութեան շղթաները կոտրելու ուրախութիւնը»

08/02/2020, 14:11