Cerca

Vatican News
 Յիսուսի Մարմնոյ եւ Արեան տօն Յիսուսի Մարմնոյ եւ Արեան տօն 

Ֆրանչիսկոս Պապ Յիսուսի Մարմնոյ եւ Արեան տօնը պիտի կատարէ Հռոմի Քազալ Պերթոնէ թաղամասին մէջ։

Յայտնենք թէ Սուրբ Հաղորդութեան պաշտամունքի նուիրուած սոյն արարողութիւնը ամէն տարի կը կատարուի Յունիս ամսուայ մէջ որ նուիրուած է Յիսուսի Սուրբ Սրտի ջերմեռանդութեան

Ռոպէր Աթթարեան - Վատիկան

Կիրակի 23 յունիս 2019-ին, Յիսուսի Սուրբ Մարմնոյ եւ Արեան տօնին օրը, ժամը 18-ին, Ֆրանչիսկոս Սրբազան Քահանայապետը Հռոմի Քազալ Պերթոնէ թաղամասի Սանթա Մարիա Քոնսոլաթրիչէ – Մխիթարիչ Սուրբ Կոյս Մարիամ եկեղեցւոյ մէջ, պիտի մատուցէ սուրբ պատարագ որուն պիտի յաջորդէ Քազալ Պերթոնէի պողոտաներու վրայ «Ամենասուրբ Հաղորդութեան» թափօրը որուն աւարտին Նորին Սրբութիւնը բոլոր ներկաներուն պիտի ջամբէ  Սուրբ Հաղորդութեան օրհնութիւնը։  Լուրը կը հաղորդէ Սուրբ Աթոռի Մամլոյ գրասենեակի ժամանակաւոր  տնօրէն՝ Տիար Ալեսսանտրօ Ճիզոթթի։

Յայտնենք թէ Սուրբ Հաղորդութեան պաշտամունքի նուիրուած սոյն արարողութիւնը ամէն տարի կը կատարուի  Յունիս ամսուայ մէջ որ նուիրուած է  Յիսուսի Սուրբ Սրտին ջերմեռանդութեան, որուն ընթացքին բոլոր եկեղեցիներուն մէջ կը կատարուին Յիսուսի Սուրբ Սրտին նուիրուած յատուկ արարողութիւններ։

Ունկնդրէ լուրը
11/06/2019, 08:28