Պեթա տարբերակ

Cerca

Vatican News
Ֆրանչիսկոս Պապն ու Քորէայի նախագահը Ֆրանչիսկոս Պապն ու Քորէայի նախագահը  (Vatican Media)

Ֆրանչիսկոս Պապ ընդունեց Քորէայի նախագահը։

Գնահատուեցան Սուրբ Աթոռին ջանքերը Քորէացիներու միջեւ երկխօսութեան ու հաշտութեան խթանումի ծիրէն ներս։

Ռոպէր Աթթարեան - Վատիկան

Հինգշաբթի 18 հոկտեմբերի 2018-ի առաւօտեան Ֆրանչիսկոս Սրբազան Քահանայապետը Վատիկանի առաքելական պալատին մէջ ունկնդրութիւնն շնորհեց Քորէայի  հանրապետութեան նախագահ՝ Տիար Մուն Ժայեյին, որ ապա հանդիպում ունեցաւ Պետական Քարտուղար կարդինալ Փիեթրօ Փարոլինի հետ ու անոր ընկերացող Պետութիւններու հետ յարաբերութիւններու քարտուղար՝ Գերապայծառ Փոլ Կալլակէրի հետ։

Սիրալիր զրոյցներու ընթացքին գնահատուեցան Սուրբ Աթոռի եւ Քորէայի հանրապետութեան միջեւ տիրող բարի յարաբերութիւնները ու ընդգծուեցաւ Եկեղեցւոյ  դրական սատարը՝  ընկերային, դաստիարակչական ու առողջապահական մարզերէն ներս, ինչպէս նաեւ Քորէացիներու միջեւ երկխօսութեան ու հաշտութեան խթանումի ծիրէն ներս։

Գնահատանք արտայայտուեցաւ նաեւ միասնական յանձնառումին՝ ի նպաստ այն օգտակար նախաձեռնութիւններուն որոնք կը մտին յաղթահարել Քորէական թերակղզիին մէջ տակաւին գոյութիւն ունեցող լարուածութիւնները, զարկ տալու համար խաղաղութեան ու զարգացումի նոր շրջանի մը։

Ի վերջոյ արծարծուեցան տարածաշրջանային բնոյթ ունեցող հարցեր։

18/10/2018, 15:40