Пошук

Vatican News
Ілюстрацыйнае фота Ілюстрацыйнае фота 

Ватыкан: пачалося ўсталяванне калядных ясляў

На плошчы св. Пятра пачалося ўсталяванне ясляў Божага Нараджэння, якія сёлета ахвяравала Перу. Афіцыйная інаўгурацыя каляднай інсталяцыі адбудзецца вечарам 10 снежня 2021 г.

Аляксандр Амяльчэня - Vatican News

Кампазіцыя, якая складаецца з больш чым 30 частак, адсылае да 200-годдзя абвяшчэння незалежнасці краіны і дэманструе фрагмент паўсядзённага жыцця народаў Анд. Над ёй працуюць пяць лепшых мастакоў з горада і рэгіёна Уанкавэліка, адкуль прывезлі яслі.

Фігуры Дзіцятка Езуса, Панны Марыі, св. Юзафа, Каралёў і Пастухоў будуць у натуральную велічыню. Іх выканалі з керамікі, дрэва “магей” (разнавіднасць агавы) і шкловалакна. Яны будуць апрануты ў нацыянальныя строі народа Чопка, які стаў ахвярадаўцам батлейкі.

Ідэя стварэнне калядных ясляў з Анд – гэта вынік супрацоўніцтва паміж перуанскім епіскапатам, дыяцэзіяй Уанкавэліка, уладамі гэтага рэгіёну, міністэрствамі знешняга гандлю і турызму, а таксама замежных спраў і пасольствам гэтай краіны пры Святым Пасадзе.

Яліна вышынёй 28 метраў на плошчу св. Пятра сёлета прыедзе з Даламітавых Альп у паўночнаітальянскім рэгіёне Трэнціна.
 

09 лістапада 2021, 12:05