Пошук

Vatican News
Марыё Драгі Марыё Драгі  

Былы старшыня ЕЦБ стаў членам Папскай акадэміі сацыяльных навук

10 ліпеня 2020 г. Францішак прызначыў трох новых членаў Папскай акадэміі сацыяльных навук. Сярод іх вядомы эканаміст з Італіі і ўніверсітэцкія выкладчыкі з Чылі і Нігерыі.

Членам Папскай акадэміі стаў Марыё Драгі, былы старшыня Банка Італіі (2005-2011) і Еўрапейскага цэнтральнага банка (2011-2019). У якасці прадстаўніка Італіі Драгі ўваходзіў у склад савета выканаўчых дырэктараў Сусветнага банка (1984-1990).

Яшчэ адным членам Папскай акадэміі сацыяльных навук стаў чылійскі сацыёлаг, прафесар Пэдра Марандэ Курт, эксперт у сацыялогіі культуры і рэлігіі, сацыялогіі сям’і. Аўтар шматлікіх артыкулаў аб культурнай тоеснасці народаў Лацінскай Амерыкі.

Новым папскім акадэмікам стала нігерыянка Какурнэ Адэтакунда Агбантаен Эгафона, даследчыца гісторыі, антрапалогіі і сацыялогіі з досведам працы ў структурах ААН у галіне спрыяння ўстойліваму развіццю. Спецыялізуецца на пытаннях барацьбы з гандлем людзьмі ў Нігерыі.
 

10 ліпеня 2020, 13:17